मुलांच्या अभ्यासासाठी संपूर्ण गावाचा ध्यास; शोधून काढला दीड तासाचा अनोखा पर्याय

सांगली: टीव्हीवर मालिका आणि हातातला मोबाईल ज्यामुळे प्रत्येकाच्या आयुष्य गुरफुटून गेले, याचा परिणाम कुटुंबाबरोबर विद्यार्थ्यांच्या आयुष्यावर मोठ्या प्रमाणात झालाय. हीच बाब लक्षात घेऊन कडेगाव तालुक्यातल्या मोहिते वडगाव येथे दररोज अभ्यासासाठी घरातील टीव्ही आणि मोबाईल दीड तास बंद ठेवण्याचा उपक्रम राबवण्यात येतोय. सायंकाळी ७ ते साडे ८ पर्यंत विद्यार्थ्यांसह घरातल्या सर्वांचे मोबाईल आणि टीव्ही आता बंद ठेवले जातात. शिवाय ते बंद ठेवण्यासाठी भोंग्याच्या माध्यमातून आठवण करुन दिली जाते.

आजकाल टीव्हीवरील मालिका आणि हातात आलेला मोबाईल, यामुळे समाजात अनेक गोष्टी घडताना पाहायला मिळतात, नव्या साधनांचा दुष्परिणाम वेगवेगळ्या माध्यमातून होताना मोठ्या प्रमाणात होताना पाहायला मिळतोय आणि या परिणामाच्या पार्श्वभूमीवर संकेत कडेगाव तालुक्यातल्या मोहितेच्या वडगावमध्ये एक नवा उपाय शोधण्यात आला आहे. विशिष्ट टीव्ही मालिका आणि मोबाईलमुळे मुलांच्या अभ्यासावर अधिक परिणाम होत असल्याचं पुढे आलं होतं आणि यावर पर्याय म्हणून गावाने एक मुखाने टीव्ही आणि मोबाईल दीड तास बंद करण्याचा निर्णय घेतला आहे. सायंकाळी सात ते साडे आठ या दरम्यान टीव्ही आणि मोबाईल प्रत्येक घरातले बंद करून मुलांच्या अभ्यासासाठी हा वेळ राखीव करण्यात आला आहे.

हेही वाचा –मोठी बातमी: ज्या प्रकरणात संजय राऊत जेलमध्ये, त्याच प्रकरणी शरद पवारांची चौकशी करा, फडणवीसांना पत्र

साधारणता ३ हजार १०५ लोकसंख्येचं मोहिते वडगाव आहे. सधन गाव असणाऱ्या येथील प्रत्येकाला ताकरी योजनेमुळे पाणी आल्याने ऊसाचा पैसा चांगला येऊ लागला, यातून अनेक पालकांनी आपल्या पालांच्यासाठी इंग्रजी माध्यमाची शाळी निवडली. शिवाय विद्यार्थ्यांच्या हातात मोबाईल देऊ केले.

याचा परिणाम गावातल्या जिल्हा परिषदेच्या शाळेतल्या पटसंख्येवर झाला होता. सध्याच्या घडीला जिल्हा परिषदेच्या शाळेत १३० तर माध्यमिक शाळेत ४५० मुलं शिकतात. तर जिल्हा परिषदेच्या शाळेतील रोडवलेली संख्या आणि इतर गोष्टींवर विचार करण्यासाठी गावचे सरपंच विजय मोहिते यांनी १४ ऑगस्ट रोजी महिलांची आमसभा बोलावली. ज्यामध्ये अनेक महिलांना मुलांच्या अभ्यासाचा विषय उपस्थित केला.

हेही वाचा –मोहाली MMS प्रकरण: होय, तिने व्हिडिओ बनवले; आरोपी तरुणीच्या वकिलाचा मोठा खुलासा

मुलं तासंतास मोबाईलवर चिकटून असतात, त्यामुळे अभ्यास करण्याकडे दुर्लक्ष होत असल्याचे गाऱ्हाणे मांडले. त्याचबरोबर नेमकं सायंकाळच्या वेळेस घरात महिला टीव्ही लावून मालिकांच्यामध्ये गुंतून जातात, आणि या सर्वच गोष्टींचा परिणाम मुलांच्या अभ्यासावर होत असल्याची बाब समोर आली. यावर उपाय म्हणून गावातील सर्व टीव्ही आणि सगळ्यांचे मोबाईल दररोज दीड तास सायंकाळी सात ते साडे आठच्या सुमारास बंद ठेवण्याचा पर्याय समोर आला. मग तसा निर्णय ही एकमुखाने घेण्यात आला. त्याची अंमलबजावणी १५ ऑगस्टपासून करण्याचा निर्धार हे समस्त गावकऱ्यांनी केला. तर दररोज नित्यनियमाने टीव्ही आणि मोबाईल बंद करण्यासाठी गावाला आठवण करून देण्यासाठी मंदिरावर भोंगा लावण्यात आला. ज्यातून सात वाजण्याच्या आधी मोबाईल आणि टीव्ही बंद करण्याबाबतच्या सूचना देण्यात येतात.

हेही वाचा –फक्त १०-१२ बॉल्स खेळविण्यासाठी या खेळाडूला संघात घेऊ नका, गौतम गंभीर स्पष्टच बोलला

आता मुलांच्या अभ्यासासाठी दररोज सायंकाळी सात ते साडेआठपर्यंत गावातले टीव्ही आणि मोबाईल बंद राहतात. तसेच या वेळेत मुलं घराबाहेर पडणार नाहीत, याची खबरदारी घेण्याची जबाबदारी पालकांच्या बरोबर गावातील शिक्षक अंगणवाडी सेविका, ग्रामसेवक, ग्रामपंचायत सदस्य यांच्यावर सोपवण्यात आली आहे. यावेळी मध्ये एखादा मुलगा रस्त्यावर आढळून आला तर त्याला अभ्यास करण्याची आठवण देखील दिली जाते, ज्यामुळे आता सध्यातरी मोहितेंच्या वडगाव मध्ये सात ते साडेआठ या दरम्यान घराघरात मुलं अभ्यासात व्यस्त असल्याचं पाहायला मिळतंय, ज्यातून मुलांना आणि पालकांनाही काही काळ मोबाईल आणि टीव्हीपासून दूर राहाता येतं.