काय आहे प्रकरण?
मिळालेल्या माहितीनुसार, अकोला शहरातील आंबेडकर नगर परिसरात अल्पवयीन मुलाला घरात नेऊन त्याच्यावर शारीरिक अत्याचार करण्यात आल्याचा प्रकार समोर आला आहे. सोमवारी सकाळी ११ वाजताच्या सुमारास सात वर्षीय चिमुकला मुलगा बाहेर खेळत असताना दुसऱ्या अल्पवयीन मुलाने त्याला स्वतःच्या राहत्या घरात बोलावले. त्यानंतर घरी त्याच्यावर अनैसर्गिक अत्याचार केल्याचा आरोप आहे.
दरम्यान, घरी परतल्यावर मुलाला वेदनांनी त्रासलेले पाहून कुटुंबीयांनी विचारपूस सुरू केली. घडलेल्या प्रकारामुळे हा मुलगा घाबरला होता. परंतु मुलानं आपल्यासोबत झालेल्या कृत्याबाबत अखेर कुटुंबीयांना सांगितलं. आपल्या मुलावर एका मुलानेच अत्याचार केलं असल्याचं समोर आल्यानंतर पीडित मुलाच्या कुटुंबीयांनी थेट सिव्हिल लाइन पोलीस स्टेशन गाठले आणि पोलिसांत तक्रार दाखल केली.
पोलिसांनी या सात वर्षांच्या चिमुकल्या मुलाची वैद्यकीय चाचणी केली असून पोलिसांत गुन्हा दाखल करण्यात आला आहे. ३७७ कलमान्वये बालकांच्या संरक्षण कायद्यांतर्गत गुन्हे दाखल केल्याची माहिती सिव्हिल लाईन पोलीस स्टेशनचे ठाणेदार भानुप्रताप मडावी यांनी दिली आहे.
हेही वाचा : मुलांवर प्रेम करताना ‘या’ चुका पडतील महागात, काही मुलं यामुळेच करतात पालकांचा टोकाचा तिरस्कार
अत्याचार करणारा मुलगा मूकबधिर
दरम्यान पीडित मुलाच्या कुटुंबीयांनी पोलिसांत तक्रार दाखल केली असून अत्याचार करणारा अल्पवयीन मुलगा मूकबधिर असल्याचे समजते. तसेच त्याचे वय अंदाजे १७ वर्षे इतके असल्याचे बोलले जाते, तरीही अत्याचार करणारा मुलगा आतापर्यंत पोलिसांना सापडला नाहीये, त्याचा शोध सुरू आहे. लवकरच त्यालाही तब्येत घेतल्या जाईल, तसेच या मुलाचा शोध लागल्यानंतरच त्याचं खरं वय किती आहे? हे बाब समोर येईल, असेही पोलीसाचे म्हणणे आहे.
या घटनेची माहिती मिळताच उपविभागीय पोलीस अधिकारी सुभाष दुधगांवकर यांनी देखील सिविल लाईन पोलीस ठाण्यात भेट दिली असून गुह्यांसंदर्भात चौकशी केली. अत्याचार करणारा अल्पवयीन मुलाने अल्पवयीन मुलाच्या अज्ञानाचा फायदा घेऊन या मुलावर अत्याचार केला, असा आरोपी पीडित मुलाच्या कुटुंबियांनी केला आहे.
हेही वाचा : वसई बीचवर सापडलेली सूटकेस; थरकाप उडवणारी मर्डर मिस्ट्री, १३ महिन्यांनी गूढ उकललं
