पी. आर. पोटे पाटील एज्युकेशनल ग्रुपच्या ‘राजा’ची थाटात स्थापना ;श्रेयसदादा पोटे पाटील यांच्या हस्ते विधिवत स्थापना; आ. प्रविण पोटे पाटील यांनी केले मनोभावे पूजन*
MB NEWS ( महाराष्ट्रातील बातमीपत्र) अमरावती:- गणेशोत्सवाच्या मंगलमय पर्वाला भक्तिमय वातावरणात प्रारंभ झाला असून, पी. आर. पोटे पाटील एज्युकेशनल ग्रुपच्या ‘राजा’ची आज संस्थेचे उपाध्यक्ष श्रेयसदादा पोटे पाटील यांच्या शुभहस्ते विधिवत स्थापना करण्यात आली.
यावेळी संस्थेचे अध्यक्ष आ. प्रविण पोटे पाटील यांनी श्री गणरायाचे मनोभावे पूजन करून दर्शन घेतले. याप्रसंगी त्यांनी संस्थेतील विद्यार्थी, प्राध्यापक व सर्व कर्मचाऱ्यांच्या सुख-समृद्धी, उत्तम आरोग्य आणि उज्ज्वल भविष्यासाठी श्री गणरायाकडे प्रार्थना केली.
गणरायाच्या आगमनाने संपूर्ण परिसर भक्तिमय वातावरणाने भारावून गेला. ढोल-ताशांचा गजर, गणरायाचा जयघोष आणि ‘गणपती बाप्पा मोरया’च्या घोषणांनी परिसर दुमदुमून गेला. विद्यार्थ्यांमध्येही गणेशोत्सवाचा उत्साह मोठ्या प्रमाणात पाहायला मिळाला.या मंगलमय प्रसंगी प्राचार्य, प्राध्यापकवृंद तसेच विद्यार्थी मोठ्या संख्येने उपस्थित होते. सर्वांच्या उपस्थितीत भक्तिभावाने गणरायाचे स्वागत करण्यात आले.
