उत्तम ब्राम्हणवाडे,रमेश जाधव यांना दर्पणकार बाळशास्त्री जांभेकर पुरस्कार देऊन सत्कार,गोवा येथे आयोजित कार्यक्रमात हिमाचल प्रदेशाचे राज्यपाल यांच्यासह दिग्गज नेत्यांची प्रमुख उपस्थिती….
MB-NEWS(पवन ठाकरे तालुका प्रतिनिधी :- नांदगांव खंडेश्वर)
गोवा वासीयांच्यावतीने दिला जाणारा पत्रकारीतेतील सर्वोच्च अशा अत्यंत प्रतिष्ठेच्या समजल्या जाणाऱ्या दर्पणकार बाळशास्त्री जांभेकर पुरस्कारासाठी महाराष्ट्र राज्यातील दोन पत्रकारांची निवड निवड समितीकडून करण्यात आलेली होती. त्यामध्ये मंचर (पुणे ) येथील मुक्त पत्रकार रमेश जाधव तसेच अमरावती जिल्ह्यातील नांदगाव खंडेश्वर येथील पुण्यनगरीचे पत्रकार उत्तम ब्राह्मणवाडे यांचा समावेश आहे .2022-23 चा सदर पुरस्कार वितरण सोहळा गोवा राज्यातील महामंडलेश्वर शिवानंद महाराज दत्त महाराज देवस्थान ट्रस्टने आयोजित केलेला होता . या पुरस्काराचे स्वरूप रोख ५१००० रुपये , सन्मान चिन्ह , शाल श्रीफळ व महावस्त्र असे होते. पुरस्कार वितरण महामंडलेश्वर शिवानंद महाराज, हिमाचल प्रदेशचे राज्यपाल राजेंद्र अर्लेकर यांच्या हस्ते तसेच केंद्रीय जलमार्ग व पर्यटनमंत्री श्रीपाद नाईक, आमदार प्रवीन आर्लेकर – पेंडणे गोवा, शेखर मुंदडा उद्योगपती पुणे, अतुल भोसले जिल्हा सरचिटणीस भाजपा, माथाडी युनियन संघ पुणे यांच्या प्रमुख उपस्थितीत २८ नोव्हेंबरला तोलार्ण पेडणे (गोवा ) येथे प्रदान करण्यात आला आहे .
अमरावती जिल्ह्यातील नांदगाव खंडेश्वर येथील रहिवासी असलेले पत्रकार उत्तम ब्राम्हणवाडे हे गेली २२ वर्षापासुन पुण्यनगरी सह अनेक वृत्तपत्रामध्ये बातमीदार म्हणुन काम करत आहे . विदर्भातील अनेक सामाजिक प्रश्न सोडवण्याचे काम ब्राम्हणवाडे यांनी आपल्या लेखनीतुन करत आहे . त्यांच्या पत्रकारीतेतील कार्याची दखल घेऊन त्यांना पुरस्काराने गौरविण्यात आले आहे .
दरम्यान अत्यंत प्रतिष्ठेच्या समजल्या जाणाऱ्या या पुरस्कार सोहळ्याला पत्रकारीता, सामाजिक व राजकिय क्षेत्रातील विविध मान्यवर उपस्थित उपस्थित होते.
