मंगरूळ दस्तगीर येथील महावितरणचे तंत्रज्ञ विठ्ठल डोईफोडे सन्मानित…..कामगारदिनी गुणवंत कामगार म्हणून सत्कार
MB-NEWS (धामणगाव रेल्वे ) :-धामणगाव रेल्वे तालुक्यातील मंगरूळ दस्तगीर येथील महावितरणचे वरिष्ठ तंत्रज्ञ विठ्ठल डोईफोडे यांचा कामगारदिनी गुणवंत कामगार म्हणून अमरावती येथे सत्कार करण्यात आला.
महावितरणच्या अमरावती झोन अंतर्गत १ मे कामगार दिनी एका कार्यक्रमाचे आयोजन करण्यात आले होते. यामध्ये उत्कृष्ट कामगिरी करणाऱ्या कर्मचाऱ्यांचा सन्मान करण्यात आला. अशातच वरिष्ठ तंत्रज्ञ या पदावर मंगरूळ दस्तगीर कक्ष १ येथे कार्यरत विठ्ठल डोईफोडे यांचा गुणवंत कामगार म्हणून अमरावती झोनचे मुख्य अभियंता ज्ञानेश कुळकर्णी यांच्या हस्ते सत्कार करण्यात आला. सदर सन्मानाबद्दल विठ्ठल डोईफोडे यांचे मंगरूळ दस्तगीर कक्ष कार्यालयातर्फे अभिनंदन करण्यात आले. तर या सत्काराला उत्तर देतांना विठ्ठल डोईफोडे यांनी म्हटले की, ज्या कामामुळे सदर सन्मान मिळाला याकरिता मला उपविभागाचे उपकार्यकारी अभियंता उमेश राठोड व सहाय्यक अभियंता अख्तर खान यांचे मार्गदर्शन मिळाले असून त्यांच्या सूचनेनुसार सबडीव्हीजन मधून वसुलीसाठी मदत मिळाली. तसेच महावितरणचे राजु सळमाके, पवन वाघ, संजु सोळंके, शैलेश ढवळे, यंत्रचालक सचिन खोडके व इतर सहकारी कर्मचाऱ्यांचे सुद्धा मोलाचे सहकार्य मिळाले. यांच्यामुळेच मी थकबाकी शून्य करू शकलो. तरी मी सर्वांचे आभार मानतो व मला असेच भविष्यातही सहकार्य मिळेल अशी अपेक्षा करतो असे विठ्ठल डोईफोडे यांनी म्हटले.
