सिपना महाविद्यालयात मॉडेल व पोस्टर स्पर्धेचे आयोजन
MB-NEWS(अक्षय अथोटे)चिखलदरा, प्रतिनिधी:- सिपना शिक्षण प्रसारक मंडळ, अमरावती द्वारा संचालित चिखलदरा येथील कला, विज्ञान व वाणिज्य महाविद्यालयात नुकतेच विद्यार्थ्यांकरिता मॉडेल व पोस्टर स्पर्धेचे आयोजन करण्यात आले होते. विद्यार्थ्यांमधील संशोधन वृत्ती जोपासली जावी, त्यांच्या नवकल्पनांना वाव मिळावा हे या स्पर्धेच्या आयोजनामधील मुख्य उद्दिष्ट होते. यावेळी विद्यार्थ्यांनी विविध मॉडेल व पोस्टर सादर केले. या स्पर्धेकरिता डॉ. व्ही. एस. मंगळे, प्रा. बी. एस. देशमुख, डॉ. एम. बी. सरदार व डॉ. ए.आर. बक्षी यांनी परीक्षक म्हणून काम पाहिले. या स्पर्धांमध्ये विजयी ठरलेल्या विद्यार्थ्यांना प्राचार्य डॉ. आर. एस. जयपुरकर यांचे हस्ते पारितोषिक व प्रमाणपत्र देऊन गौरविण्यात आले.
मॉडेल स्पर्धेमध्ये प्रथम क्रमांक कु. त्रिवेणी गिर्हे व सय्यद मुसद्दीक, द्वितीय क्रमांक कु. राधिका शर्मा आणि तृतीय क्रमांक अक्षय कास्देकर व कु. प्रणाली कुर्हेकर यांनी प्राप्त केला. पोस्टर स्पर्धेमध्ये प्रथम क्रमांक कु. साक्षी जोग, द्वितीय क्रमांक कु. काजल पाटील आणि तृतीय क्रमांक कु. सविता खडके या विद्यार्थिनींनी प्राप्त केला. महाविद्यालयातील रिसर्च क्लब द्वारे या स्पर्धेचे आयोजन करण्यात आले होते. या स्पर्धा यशस्वी करण्याकरिता रिसर्च क्लबचे समन्वयक डॉ. एन.जे. सूर्यवंशी, समिती सदस्य डॉ. एन. वाय. भोगे, प्रा. एन. एस. बायस्कर, डॉ. एच. यु. पेटकर, डॉ. पी.एम. कुटे यांनी प्रयत्न केले. तांत्रिक सहाय्य ए. जी. ढगे यांनी प्रदान केले.
