*श्रीक्षेत्र कौंडण्यपूरची पालखी 26 मे रोजी अमरावतीत,*आमदार ॲड. यशोमती ठाकूर यांच्या हस्ते होणारस्वागत*
MB-NEWS (अमरावती)प्रतिनिधी- :- अतिप्राचिन श्रीक्षेत्र कौंडण्यपूर येथील रुख्मिणी मातेची पालखी 26 मे रोजी अमरावती येथे दाखल होणार असून या मानाच्या पालखीचे स्वागत शहरातील बियाणी चौक येथे आमदार ॲड. यशोमती ठाकूर यांच्या हस्ते होणार आहे.
श्रीक्षेत्र कौंडण्यपूर येथील रुख्मिणी मातेची पालखी पंढरपूर येथील आषाढी एकादशीच्या पर्वावर दरवर्षी सहभागी होत असते. या पालखीला 429 वर्षाची अखंडीत परंपरा आहे. कौंडण्यपूर हे रुख्मिणी मातेचे माहेर असून प्रभु रामचंद्राची आजी राजा दशरथची आई इंदुमती, नल राजाची पत्नी दमयंती, भगिरथ राजाची माता केशनी आणि अगस्ती ऋषिंची पत्नी लोपामुद्रा असे महात्मे लाभले आहे.
*शासकीय पुजनाची परंपरा*
श्रीक्षेत्र पंढरपुर येथे दरवर्षी शासकीय महापुजा करण्यात येते, त्याचधर्तीवर कौंडण्यपूर येथेही शासकीय महापुजा व्हावी यासाठी आमदार ॲड. यशोमती ठाकूर यांनी सातत्याने प्रयत्न केले होते. त्यांचे प्रयत्न फलद्रुप ठरले असून आता दरवर्षी श्रीक्षेत्र कौंडण्यपूर येथे रुख्मिणी मातेची शासकीय पुजा करण्यात येते. या पालखीचे आगमन 26 मे रोजी दुपारी 5.00 वा. अमरावती शहरातील बियाणी चौकात आगमन होणार असून आमदार ॲड. यशोमती ठाकूर यांच्या हस्ते पालखीचे स्वागत व पुजन करण्यात येणार आहे.
*श्रीक्षेत्र पंढरपुर येथे मानाची पुजा*
श्रीक्षेत्र पंढरपुर येथे या 429 वर्षाची पुरातन परंपरा असलेल्या रुख्मिणी मातेला मानाची पुजा करण्यात यावी यासाठीही आमदार ॲड. यशोमती ठाकूर यांनी श्रीक्षेत्र पंढरपुर येथील विश्वतांना विनंती केली होती. त्या विनंतीची दखल घेवून आता रुख्मिणी मातेच्या पालखीचीही मानाची पुजा करण्यात येते.
