दुचाकी चोरीचा प्रयत्न फसला चांदूर रेल्वे येथील घटना…
MB NEWS (चांदुर रेल्वे ):-दुचाकी चोरी करतांना चोरट्याला नागरिकांच्या मदतीने पोलिसांनी पकडले. त्याला येथील न्यायालयात हजर केले असता एक दिवसाची पोलीस कोठडी सुनावण्यात आली. त्याच्याकडून चोरीचे अनेक गुन्हे उघडकीस येण्याची शक्यता पोलिसांनी वर्तविली आहे.
चांदूररेल्वे शहरातील शिवाजीनगर परिसरात राहुल श्रीधर यादव या व्यक्तीची डिस्कव्हर मोटरसायकल चोरी करण्याचा प्रयत्न करीत असतांना आरोपी नामे आकाश पुरुषोत्तम चव्हाण (वय २७ वर्ष, रा. बोरखडी
ता. शेलू जि. वर्धा) यास स्थानिक लोकांच्या मदतीने चांदूर रेल्वे पोलिसांनी पकडले. त्याच्या विरोधात चोरीचा प्रयत्न केल्याचा गुन्हा नोंद करण्यात आला असून हा अट्टल गुन्हेगार असल्याचे समजते. ही कार्यवाही ठाणेदार सतीश पाटील यांच्या मार्गदर्शनामध्ये पोलीस जमादार शिवाजी घुगे, प्रवीण मेश्राम, वाहन चालक पाटील व चंदू गाडे यांनी केली.
