कार ने दुचाकीला दिली धडक, दोघे जागीच ठारनांदगाव खंडेश्वर शहराबाहेरील क्रीडा संकुल जवळील घटना…
MB NEWS (अमोल इंगोले)नांदगाव खंडेश्वर –
एका कारने दुचाकीला दिलेल्या धडकेत दुचाकीवरील दोघांचा जागीच मृत्यु झाल्याची भिषण घटना नांदगाव खंडेश्वर शहराबाहेरील क्रीडा संकुल जवळ गुरूवारी (ता. ३१) सायंकाळी ७.३० वाजताच्या दरम्यान घडली. गौरव मारोतराव शेंडे (१९) व चेतन ज्ञानेश्वर चोपकर (१७) रा. शिवणी रसूलापूर, ता. नांदगाव खंडेश्वर अशी मृतक युवकांची नावे आहे.
सुत्रांकडून मिळालेल्या माहितीनुसार, मित्राचा वाढदिवस असल्यामुळे केक व इतर साहित्य नांदगाव शहरातून घेऊन मृतक गौरव शेंडे व चेतन चोपकर हे पॅशन प्रो दुचाकी क्र. एमएच २७ एझेड ५९५६ ने शिवणीकडे चालले होते. यादरम्यान क्रिडा संकुलजवळ त्यांच्या दुचाकीला आय २० कार क्र. एमएच ४८ एस १०१२ ने जोरदार धडक दिली. या अपघातात दुचाकीवरील दोघांचाही जागीच मृत्यु झाला.
घटनेची माहिती मिळताच नांदगाव खंडेश्वर पोलीस घटनास्थळी पोहचले होते. त्यांनी घटनेचा पंचनामा करून मृतदेह शवविच्छेदनासाठी स्थानिक ग्रामीण रुग्णालयात नेण्यात आले. सदर प्रकरणाचा पुढील तपास नांदगाव खंडेश्वरचे ठाणेदार विशाल पोळकर यांच्या मार्गदर्शनात पोलीस करीत असून कार चालक याला पोलिसांनी ताब्यात घेतल्याचे सांगण्यात आले . कारची धडक नेमकी कशी लागली याबद्दल अधिक माहिती मिळू शकली नाही.
