कपाशी पिकामध्ये कीड रोग व्यवस्थापन करणे गरजेचे शिवार भेटीतून शेतकऱ्यांना मार्गदर्शन रिलायन्स फाऊंडेशन चा उपक्रम
MB NEWS (महाराष्ट्रातील बातमीपत्र)दर्यापूर:- रिलायन्स फाऊंडेशन शेतकऱ्यांसाठी विविध कार्यक्रमांच्या माध्यमातून शेतकऱ्यांना वेळोवेळी मार्गदर्शन करत असतात. त्याच अनुषंगाने अमरावती जिल्ह्यातील दर्यापूर तालुक्यातील नाचोना व चिंचोली शिंगणे शिवारातील शेतांना भेटी देऊन पीक पाहणी करून शेतकऱ्यांना कीड व रोग व्यवस्थापन याविषयी मार्गदर्शन करण्यात आले. सध्या कपाशी पिकामध्ये गुलाबी बोण्ड अळीचा प्रादुर्भाव मोठ्या प्रमाणात दिसून येत आहे. तसेच पांढरी माशी मोठ्याप्रमाणात आहे त्यासाठी करावयाचे व्यवस्थापन याविषयी मार्गदर्शन करण्यात आले. त्यामुळे या प्रश्नाचे निराकरण करण्याचा उद्देशाने. रिलायंस फॉउंडेशन माहिती सेवा यांच्या मार्फत शिवार भेट या कार्यक्रमाचे आयोजन करण्यात आले होते. कार्यक्रमामध्ये डॉ राजेंद्र जाणे, कृषी तज्ञ यांनी शेतकऱ्यांना त्याच्या समस्यांविषयी मार्गदर्शन केले.
या कार्यक्रमाचे आयोजन मनोज काळे, रिलायंस फॉउंडेशन व कार्यक्रम सहाय्यक सुमित मातीकाळे यांनी केले.
या प्रसंगी उपस्थित शेतकऱ्यांनी मिळालेल्या माहिती चा आम्हाला निश्चित लाभ होईल असे सांगितले व शेतकऱ्यांनी व तज्ञांनी रिलायन्स फाउंडेशन च्या या उपक्रमाचे कौतुक केले.
