तळेगाव दशासर येथे घराला भीषण आग आगीमध्ये घरातील सर्व साहित्य जळून राख
MB NEWS संतोष वाघमारे :तळेगाव दशासर येथे घराला भीषण आग लागल्याने घरातील सर्व साहित्य जळून राख झाल्याची घटना घडली आहे .वसंत चंपतराव काटकर यांचे घराला बुधवारी सायंकाळी सहा वाजताच्या सुमारास आग लागली .त्या आगीमध्ये घरातील सर्व साहित्य जळून राख झाले. आग पाहताच सामाजिक कार्यकर्ते संजय सारवे यांनी समय सुचकता दाखवीत लगेच सदरची माहिती धामणगाव येथील अग्निशामक दलाला दिली .माहिती मिळताच धामणगाव रेल्वे येथील अग्निशामक दलाचे टीम लीडर सचिन कट्यारमल व फायरमन संतोष आत्राम ,सतीश उईके, प्रशांत रोकडे ,हेमंत कापसे घटनास्थळी दाखल झाले व आगीवर नियंत्रित केले. मात्र तोपर्यंत काटकर यांचे घर पूर्णतः जळून राख झाले होते. घटनास्थळी नायब तहसीलदार वीर यांनी तलाठी सह पोचून घटनेचा पंचनामा केला .सुदैवाने या आगीमध्ये कोणतीही जीवित हानी झाली नाही.
