सर्वोच्च न्यायालयाच्या स्थगनादेशामुळे तळेगाव ठाकुर सरपंच पुन्हा कायम!
MB NEWS :(सुनिल घोरमाडे) :– तिवसा पंचायत समिती,तालुका तिवसा ग्राम तळेगाव(ठाकुर) सरपंच दर्शना नंदू मारबदे(पिढेकर) यांनी अपात्रते च्या विरोधात सर्वोच्च न्यायालयात दाद मागितली असता सर्वोच्च न्यायालयाने आयुक्तानी दिलेल्या अपात्रतेच्या निकालावर स्थगनादेश दिल्याने सरपंच पदी पुन्हा दर्शना मारबदे कायम झाल्या आहे.
दर्शना मारबदे यांचे वर शासकीय जागेवर अतिक्रमण प्रकरणी अमरावती आयुक्त यांनी अपात्रतेचा निकाल दिला होता व त्यानंतर सरपंच उच्च न्यायालयात नागपूर खंडपिठात प्रकरण दाखल झाले होते त्यावर जानेवारी 2025 रोजी उच्च न्यायालयाने आयुक्त अमरावती यांचा निकाल कायम असल्याचा निर्वाळा दिला होता त्यानुसार सरपंच दर्शना मारबदे यांचे पद गेले प्रकरणी सरपंच गटाने सर्वोच्च न्यायालयात धाव घेतली व प्रकरण दाखल झाले.सर्वोच्च न्यायालयाने सात फेब्रुवारी 2025 रोजी न्यायालयाने आयुक्तालयाचा निर्णय रद्दबाबत ठरवून स्थगनादेश दिल्यामुळे तसे आदेश खंड विकास अधिकारी पंचायत समिती तिवसा यांना प्राप्त होताच दि.12 फेब्रुवारी 2025 रोजी पुन्हा सरपंच पदाचा पदभार दर्शना पिढेकर(मारबदे) यांनी स्वीकारला असला तरी ग्रामपंचायती च्या राजकारणात सर्वोच्च न्यायालयात धाव घेऊन दाद मागितल्याची ही जिल्ह्यात पहलीच ऐतिहासिक घटना असल्याची चर्चा जोर धरू लागली आहे.
