अहिल्याबाई होळकर गौरव अभियान व दहा कोटी वृक्ष लागवड उपक्रमांतर्गत प्रा. सौ उत्तराताई वीरेंद्र जगताप यांचा प्रेरणादायी वाढदिवस साजरा..!
MB NEWS (चांदुर रेल्वे)- पुण्यश्लोक अहिल्याबाई होळकर गौरव अभियान व दहा कोटी वृक्ष लागवड या कार्यक्रमांतर्गत सिग्नेचर क्लब, राष्ट्रीय सेवा योजना व वूमेन सेल यांच्या संयुक्त विद्यमाने अतुल विद्या मंदिर वर्धा संस्थेच्या अध्यक्षा प्रा. सौ.उत्तराताई वीरेंद्र जगताप यांच्या ६० व्या वाढदिवसानिमित्त महाविद्यालय परिसरात त्यांच्या शुभहस्ते वृक्षारोपण करण्यात आले. सदर कार्यक्रम महाविद्यालयाचे प्राचार्य डॉ.पराग वडनेरकर यांच्या मार्गदर्शनाखाली करण्यात आले. या उपक्रमांतर्गत महाविद्यालय परिसरातील मोकळ्या जागांमध्ये विविध प्रकारची फळझाडे व औषधीयुक्त झाडांची लागवड करण्यात आली. यादरम्यान पर्यावरण संवर्धनाचा संदेश देत सर्व उपस्थितांनी वृक्ष संवर्धनाचा संकल्प केला. याप्रसंगी मान्यवरांनी वृक्ष लागवडीचे महत्त्व पटवून दिले.
प्रा. सौ उत्तराताई जगताप यांनी महाविद्यालयाच्या ग्रंथालयासाठी पुस्तके भेट दिली तसेच श्रीनिवास भाऊ सूर्यवंशी यांनी सुद्धा पुस्तके ग्रंथालयात भेट म्हणून दिली. या कार्यक्रमाला अतुल विद्या मंदिर संचालित राजर्षी शाहू सायन्स कॉलेज, राजर्षी शाहू विज्ञान व अतुल जगताप कनिष्ठ महाविद्यालय,राजर्षी शाहू इंग्लिश स्कूल चांदूर रेल्वे येथील प्राध्यापक वृंद ,शिक्षक वृंद व शिक्षकेतर कर्मचारी उपस्थित होते.
सदर कार्यक्रमाचे आयोजन राष्ट्रीय सेवा योजनेचे कार्यक्रम अधिकारी डॉ. गजानन संतापे, वुमेन सेलच्या समन्वयक व सिग्नेचरच्या सह समन्वयक डॉ. संपदा पाथरकर यांनी केले. याप्रसंगी अतुल विद्या मंदिर संस्थेचे कोषाध्यक्ष मा. परिक्षीत भाऊ जगताप, अतुल जगताप माध्यमिक विद्यालयाचे मुख्याध्यापक प्रदीप तळोकार राजर्षी शाहू इंग्लिश स्कूलचे मुख्याध्यापक श्री.कुणाल सिंगलवार व भगत मॅडम उपस्थित होते.
