संत तुकाराम महाराजांच्या विचारांचा जागर : पात्रीकर कॉलनीत कुणबी समाज मेळावा व व्याख्यान सेवा कार्यक्रम संपन्न
MB NEWS ( महाराष्ट्रातील बातमीपत्र)चांदूर रेल्वे-
येथील पात्रीकर कॉलनी सभागृह मंदिरात जगद्गुरु श्री संत तुकाराम महाराज सकल कुणबी उद्योग व सामाजिक संस्था, चांदूर रेल्वे यांच्या वतीने कुणबी समाज मेळावा व व्याख्यान सेवा कार्यक्रमाचे आयोजन २३ जानेवारी २०२६ रोजी करण्यात आले होते. समाजातील एकोपा, संस्कार आणि संत तुकाराम महाराजांच्या विचारांचा प्रसार हा या मेळाव्याचा मुख्य उद्देश होता.या कार्यक्रमाचे प्रास्ताविक अमोल ठाकरे यांनी केले. कार्यक्रमाच्या अध्यक्षस्थानी अविनाश जगताप होते. त्यांच्या अध्यक्षतेखाली हा कुणबी समाज मेळावा उत्साहपूर्ण व प्रेरणादायी वातावरणात पार पडला.
कार्यक्रमाच्या यशस्वी आयोजनासाठी भावे, विश्वास धावडे तसेच आयोजन समितीतील सर्व पदाधिकारी व सदस्यांनी विशेष परिश्रम घेतले. मेळाव्यात संत तुकाराम महाराजांच्या अभंगांतील सामाजिक समता, कष्टाचे महत्त्व व नैतिक मूल्यांवर मार्गदर्शन करण्यात आले.या कुणबी समाज मेळाव्यास परिसरातील समाजबांधव, ज्येष्ठ नागरिक, युवक व महिला मोठ्या संख्येने उपस्थित होते. कार्यक्रमाच्या समारोपप्रसंगी आयोजकांच्या वतीने उपस्थितांचे आभार मानण्यात आले.
