25 पासून तालुक्यात क्रीडा व सांस्कृतिक महोत्सव
सुयश बहुद्देशीय संस्थेचे आयोजन ; नगराध्यक्ष चषक
MB-NEWS (चांदुर रेल्वे) :- जिल्ह्यातील व तालुक्यातील क्रीडापटू व कलावंतांना हक्काचे रंगमंच मिळावा व त्यांना आपल्या कर्तृत्वाचा ठसा उमटवता यावा यासाठी सुयश बहुद्देशीय संस्थेचे अध्यक्ष सुमेध सरदार यांनी 25 ते 27 नोव्हेंबर रोजी क्रीडा व सांस्कृतिक महोत्सवाचे आयोजन केले आहे, विजेत्या चमुंना नगराध्यक्ष चषक यावेळी देण्यात येणार असल्याची माहिती संस्थेने पत्रकार परिषदेत दिली.
मागील 12 वर्षापासून संस्थे मार्फत क्रीडा व सांस्कृतिक महोत्सव तसेच रक्तदान शिबिराचे कार्यक्रम घेतल्या जात आहे . खेळाडूंना व कलावंतांना एक व्यासपीठ ,मैदान देऊन त्यांच्याकडे सुप्त गुणांना वाव देण्याकरिता ह्या स्पर्धा घेतल्या जात असून त्याकरिता तालुक्यातील नागरिकांचा मोठा प्रतिसाद व उत्साह असलयाचे सुमेध सरदार यांनी सांगितले, स्थानिक जिल्हा परिषद हायस्कूल च्या मैदानावर आयोजित या महोत्सवामध्ये दि 25 ला कबड्डी स्पर्धा, दि 26 ला क्रिकेट मॅचेस, व 27 ला एकल नृत्य स्पर्धा या महोत्सव अंतर्गत होणार आहे, प्रत्येक स्पर्धेसाठी स्वतंत्र रित्या बक्षिसे देण्यात येणार असून यासह अनेक वयक्तिक बक्षिसे या स्पर्धेसाठी ठेवण्यात आल्याचेही आयोजकांनी सांगितले. यावेळी माजी नगराध्यक्ष शिट्टू सूर्यवंशी, सुमेध सरदार, शेहजाद सौदागर, रुपेश पुडके, अमोल ठाकरे, गुड्डू वानखडे, प्रफुल मकेश्वर, सुरज आठवले, गोलू दाभाडे आदी उपस्थित होते.
