स्कॉलर्स कॉन्व्हेंट, सी बी एस ई मध्ये संविधान दिवस उत्साहात साजरा…
(अमरावती):- २६ नोव्हेंबर संविधान दिवस अमरावतीच्या दसरा मैदान येथील स्कॉलर्स कॉन्व्हेंट, सी बी एस ई मध्ये मोठ्या उत्साहात साजरा करण्यात आला. शाळेच्या मुख्याध्यापिका जयश्री अय्यंगर यांच्या हस्ते दीप प्रज्वलन करून भारतीय संविधानाचे शिल्पकार डॉ. बाबासाहेब आंबेडकर यांच्या प्रतिमेला हारार्पण व पूजन करण्यात आलं. त्यानंतर कु. कस्तुरी शिंदे, पूर्वा मोहोड, नमन पोची व स्वरा देशमुख यांनी संविधान दिनाचे महत्व सांगून आपले मनोगत व्यक्त केले.
संविधानाचे महत्व नागरिकांमध्ये जागृत करण्यासाठी शाळेच्या वतीनं रॅलीचं आयोजन देखील करण्यात आलं होतं. कु. जाहरा बोहरी या विद्यार्थिनीने व सर्व शिक्षिकांनी भारतीय संविधानाचे जतन करण्याची प्रतिज्ञा विद्यार्थ्यांना दिली. कार्यक्रमाचं सूत्रसंचालन वर्ग ६ ची विद्यार्थिनी कु. समीरा कुबडे हिने केले असून संविधान दिनाचा कार्यक्रम प्रतिभा उ. तुपाडे यांच्या मार्गदर्शनात आयोजित करण्यात आला होता. तसेच सपना कटरे यांचे विशेष सहकार्य या कार्यक्रमासाठी लाभले.
