शेतकऱ्यांना घरबसल्या मिळणार ‘बि-बियाणे, खत-औषधे व कीटकनाशके’….
👉 देश भरातील शेतकऱ्यांसाठी मोदी सरकारने मोठा निर्णय घेतला आहे. बि-बियाणे, खत-औषधे, कीटकनाशके खरेदी करण्यासाठी शेतकऱ्यांना आता कृषी सेवा केंद्रा समोर तास न् तास रांगा लावाव्या लागणार नाही. मोदी सरकारने ई-कॉमर्स वेबसाइटच्या माध्यमातून कीटकनाशकांच्या विक्रीला परवानगी दिली आहे.
▪️ अ‍ॅमेझॉन, फ्लिपकार्टसह विविध ई-कॉमर्स कंपन्यांद्वारे आता ऑनलाईन कीटकनाशकांची विक्री केली जाणार आहे. त्यासाठी कृषी मंत्रालयाने कीटकनाशक नियम 1971 मध्ये महत्त्वाचे बदल केले आहेत. सरकारने कीटकनाशक विक्रीच्या नियमात बदल करीत, ई-कॉमर्स वेबसाइटच्या माध्यमातून कीटकनाशकांच्या विक्रीला कायदेशीर मान्यता दिली आहे.
▪️ गेल्या अनेक दिवसांपासून थेट शेतकऱ्यांच्या दारात कीटकनाशके पोहोचावीत, तशी परवानगी कंपन्यांना मिळावी, अशी मागणी होत होती. अखेर कीटकनाशकांची विक्री करणाऱ्या कंपन्यांच्या मागणीला यश आलं आहे. सरकारच्या निर्णयामुळे कीटकनाशक उत्पादक कंपन्या व कृषी क्षेत्राशी संबंधित व्यवसायाचा विस्तार होण्यास मदत होईल, असे कंपन्यांचं म्हणणं आहे.
▪️ देशातील विविध ई-कॉमर्स वेबसाइटवर आता कीटकनाशके उपलब्ध होणार असून, शेतकऱ्यांना त्यासाठी फारसा वेळ व पैसा खर्च करावा लागणार नाही. शिवाय, विनाकारण कृषी दुकानांमध्ये जाण्याची गरज पडणार नाही. ऑनलाइन ऑर्डर देऊन कीटकनाशकांची होम डिलिव्हरी मिळवू शकतील.
