🛍️ राज्यात प्लास्टिकबंदी शिथिल; राज्य सरकारने दिली ‘या’ वस्तू वापरण्याची परवानगी..!

🛍️ राज्यात प्लास्टिकबंदी शिथिल; राज्य सरकारने दिली ‘या’ वस्तू वापरण्याची परवानगी..!

▪️ राज्य सरकारने सिंगल यूज प्लास्टिकच्या वापरावर घातलेली बंदी उठविली आहे. प्लास्टिकच्या ६० जीएसएमपेक्षा अधिक जाडीच्या पिशव्या, पेपर कप, द्रोण, पत्रावळी, स्ट्रॉ, चमचे, काटे यांच्या वापरण्यास सशर्त परवानगी देण्यात आली आहे. मार्च २०१८ पासून या वस्तूंच्या वापरावर पूर्ण बंदी घालण्यात आली होती. बंदी शिथिल करण्याबाबतची अधिसूचना राज्य सरकारकडून गुरुवारी जारी करण्यात आली आहे.

▪️ या वस्तूंवरील बंदी उठवली
एकदाच वापर होणाऱ्या व विघटनशील प्लास्टिकच्या वस्तूंवरील बंदी उठविली आहे. त्यामुळे स्ट्रॉ, ताटे, कप, प्लेट्स, ग्लास, काटे, चमचे, भांडे, वाडगे, कंटेनर या वस्तूंच्या वापरास मुभा असेल.

▪️ नवीन अट काय?
कंपोस्टेबल पदार्थांपासून, प्लास्टिकपासून बनवलेल्या स्ट्रॉ, ताट, कप्स, प्लेटस्, ग्लासेस, काटे, चमचे, भांडे, कंटेनर इ. अशा वस्तू कंपोस्टेबल असल्याबाबत सेंट्रल इन्स्टिट्यूट ऑफ प्लास्टिक इंजिनिअरिंग अँड टेक्नॉलॉजी (सीआयपीईटी) व केंद्रीय प्रदूषण नियंत्रण मंडळाकडून प्रमाणित करून घ्यावे..

▪️ सरकारने 1 जुलै 2021 रोजी कॅरी बॅग्ज, ताट- वाटया, ग्लास, काटे, चमचे, सुरी, स्ट्रॉ, कंटेनर, हवाई फुग्यांसाठी वारण्यात येणाऱ्या काडय़ा, प्लास्टिक ध्वज, मिठाई बॉक्स, निमंत्रण पत्रिका, सिगारेट पाकिटांवरील फिल्म, फलक, सजावटीच्या थर्माकोलवर बंदी घातली होती.

▪️ का उठवली बंदी?
बंदीमुळे छोट्या प्रमाणावर काम करणाऱ्या सहा लाखांहून अधिक युवक व महिलांवर बेरोजगारीची कुऱ्हाड कोसळल्याने ही बंदी उठवावी अशी मागणी लघु उद्योजकांकडून करण्यात येत होती. महाराष्ट्र चेंबर ऑफ कॉमर्स, तसेच लघु उद्योजकांच्या संघटनांकडून ही बंदी उठविण्याची मागणी केली. ‘महाराष्ट्र चेंबर ऑफ कॉमर्स’ कडूनही ३१ जुलै रोजी संभाजीनगर येथील राज्यस्तरीय परिषदेत मुख्यमंत्री शिंदे यांच्यासमोर यासंदर्भात अडचणी मांडण्यात आल्या होत्या.