चांदूररेल्वे तालुक्यातील १६ ग्रा. पं. निवडणूकीत ७९.९३ टक्के मतदान….
MB-NEWS (चांदूर रेल्वे ):-चांदूर रेल्वे तालुक्यातील १६ग्रामपंचायतीच्या सार्वत्रिक निवडणुक रविवारी (ता. १८) शांततेत पार पडले. या निवडणुकीत एकुण १८ हजार १७६ मतदार होते. त्यापैकी १४ हजार ४५६ मतदारांनी मतदानाचा हक्क बजावला असुन ७९.९३ टक्के मतदान झाले आहे. तर ४७ सरपंच पदाचे व २०९ ग्रा.पं. सदस्य पदाचे उमेदवारांचे राजकीय भवितव्य ईव्हीएम मशिन मध्ये बंद झाले आहे.
१६ ग्रा.पं.च्या सरपंच पदासाठी ४७उमेदवार व १२९ ग्रा.पं.सदस्यासाठी २०९ उमेदवार निवडणूक रिंगणात होते. तर सांवगी संगम ग्रा.पं. निवडणूक अविरोध झाली असुन सरपंच म्हणून पंकज शिंदे व सावंगी संगम येथील सातही उमेदवार बिनविरोध निवडून आले. तसेच इतर ग्रा.पं.चे १९ उमेदवार अविरोध निवडून आले आहे.
चांदूर रेल्वे तालुक्यातील सोनगाव (७३.८३ टक्के), राजना (७८.७८), बागापूर ( ८३.९४), कोहळा ( ७९.६०), भिलटेक (८९.०३), धोत्रा ( ७९.७९),(७८.५२ ), टेंभूर्णी (७५.४७), मांजरखेड कसबा ( ७३.५९), कवठा कडू (८२.६३), कळमगाव (८१.४३), टोंगलाबाद ( ८६.३६), दिघी कोल्हे ( ८४.२४), मांडवा (७९.०५), कळमजापूर ( ८३.३९ टक्के) दहिगाव धावडे (८१.४१), निंभा मतदान झाले आहे. चांदूर रेल्वे तालुक्यातील १६ ग्रा.पं.चे ४७ सरपंचपदाचे व १२९ सदस्यपदासाठीचे २०९ उमेदवारांचे राजकीय भवितव्य ईव्हीएम मशिन मध्ये बंद झाले आहे.
या सर्व ग्रा.पं.ची मतमोजणी दिनांक 20 मंगळवारी होणार आहे.
ग्रा. पं. च्या निवडणुकीसाठी चांदूर रेल्वेचे ठाणेदार सुनिल किनगे यांनी कडक बंदोबस्त ठेवला होता. या निवडणुकीसाठी निर्वाचन अधिकारी तथा तहसीलदार राजेंद्र इंगळे यांच्या मार्गदर्शनाखाली सहा निवडणूक अधिकारी म्हणून नायब तहसिलदार अजय बनारसे, लक्ष्मीकांत तिवारी, सुधाकर अनासाने, केशव मळसने, झोनल अधिकारी, मतदान अधिकारी, कर्मचारी, आणि तसेच चांदूररेल्वे तहसील कार्यालयातील सर्व अधिकारी व कर्मचारी वर्ग यांनी आपली निवडणूक वेळी पूर्णपणे जबाबदारी बजावली…
