अ. भा. ग्रा. पत्रकार संघाच्या तालुकाध्यक्षपदी शहजाद खान,जिल्हा उपाध्यक्षपदावर मनिष खुणे यांची वर्णी,तालुका उपाध्यक्षपदी राहूल देशमुख तर सचिवपदी राजीव शिवणकर यांची निवड….
MB-NEWS अमरावती (चांदूर रेल्वे) -:अखिल भारतीय ग्रामिण पत्रकार संघ, शाखा चांदूर रेल्वेच्या तालुकाध्यक्षपदी शहजाद खान यांची सर्वानुमते निवड करण्यात आली आहे. तर तालुका उपाध्यक्षपदी राहूल देशमुख व सचिवपदी राजीव शिवणकर यांची निवड झाली असुन जिल्हा उपाध्यक्षपदावर मनिष खुणे यांची वर्णी लागली आहे.
अ. भा. ग्रा. पत्रकार संघाची बैठक नुकतीच चांदूर रेल्वे येथील हॉटेल गोविंद वाडा येथे पार पडली. या बैठकीच्या अध्यक्षस्थानी राज्य सल्लागार सुरेश ढवळे होते. तर प्रमुख पाहुणे म्हणून केंद्रीय कार्याध्यक्ष युसुफ खान, केंद्रीय उपाध्यक्ष राजेंद्र भुरे, प्रदेश सरचिटणीस बाळासाहेब सोरगिवकर, जिल्हाध्यक्ष प्रदीप जोशी, प्रदेश कार्यकारीणी सदस्य उत्तमराव गावंडे, जिल्हा उपाध्यक्ष जानराव मनोहर, तिवसा तालुकाध्यक्ष भुषण यावले आदींची मंचावर उपस्थिती होती. या बैठकीत मान्यवरांनी उपस्थित पत्रकार बांधवांना मार्गदर्शन केले. तसेच प्रदेश सरचिटणीस बाळासाहेब सोरगिवकर यांच्या वाढदिवसाच्या निमित्ताने त्यांचा शाल, श्रीफळ, पुष्पगुच्छ देऊन सत्कार करण्यात आला. या बैठकीत अ. भा. ग्रा. पत्रकार संघ, चांदूर रेल्वेच्या शाखेची सन २०२३ करिता नवीन कार्यकारिणी सर्वानुमते घोषित करण्यात आली. यामध्ये तालुकाध्यक्षपदी शहजाद खान यांची सर्वानुमते वर्णी लागली. यानंतर उपाध्यक्षपदी राहुल देशमुख तर सचिवपदी राजीव शिवणकर यांची सुद्धा निवड करण्यात आली. याशिवाय जिल्हा उपाध्यक्षपदी मनीष खुणे यांची निवड करण्यात आली. या सर्वांच्या निवडीबद्दल त्यांचे पत्रकार युसूफ खान, उत्तमराव गावंडे, प्रा. रवींद्र मेंढे, बाळासाहेब सोरगिवकर, अमोल गवळी, राजेश सराफी, इरफान पठाण, मंगेश बोबडे, धिरज नेवारे, विनय गोटफोडे, प्रशांत सिसोदीया यांसह अनेकांनी कौतुक केले आहे.
