पुढील 48 तास पडणार कडाक्याची थंडी
राज्यात थंडीची चाहुल लागली असून अनेक ठिकाणी तापमानाचा पारा घसरला आहे. राज्यात पुढचे 48 तास महत्वाचे असून थंडीची लाट आणखी तीव्र होईल, अशी शक्यता हवामान विभागाने वर्तवली आहे. विदर्भ, मराठवाडा, पश्चिम महाराष्ट्रात अनेक ठिकाणी तापमानात 3 ते 4 अंशाने घट होणार आहे. तर कोल्हापूर, सातारा, पुणे, उत्तर महाराष्ट्र, मराठवाड्यात थंडीचा कडाका वाढेल, असा अंदाज हवामान विभागाने वर्तवला आहे.
कुठं पडणार थंडी :-राज्यात कोकण, पुणे, औरंगाबाद, बीड, जालना, परभणी, लातूर, उस्मानाबाद आणि विदर्भामध्ये अमरावती, नागपूर इतर बहुतांश जिल्ह्यांमध्ये थंडीचा कडाका वाढणार आहे. 14 जानेवारीपर्यंत राज्यात थंडीत वाढ होईल, असा अंदाज हवामान विभागाकडून वर्तवण्यात आला आहे.
