आता यूट्यूब वरून विनामूल्य पाहता येणार टीव्ही व चित्रपट
चित्रपट आणि टीव्ही मालिका पाहण्याची आवड असणाऱ्यांसाठी यूट्यूबकडून नवीन सेवा सुरू करण्यात येणार असून, या सेवेच्या माध्यमातून यूट्यूबरवर चित्रपट किंवा टीव्ही मालिका पाहण्यासाठी आता कोणतेही शुल्क भरावे लागणार नाही.
सध्या या सेवेची चाचणी सुरू असून लवकच भारतात ही सेवा लाँच करण्याची शक्यता वर्तवली जात आहे.तुम्हाला माहिती असेल , यूट्यूबवर सदस्यत्त्व घेतल्यास प्रेक्षकांना सध्या जाहिरात फ्री सेवा दिली जाते. यालाच प्रीमियम सेवा असेही म्हणतात. त्यासाठी प्रेक्षकांना महिन्याला शुल्क आकारले जातात.
मात्र आता या सेवेच्या माध्यमातून केबल टीव्ही आणि सेट-टॉप बॉक्सवरील प्रेक्षकांचे आवडते कार्यक्रम त्यांना यूट्यूबवर विनामूल्य उपलब्ध होणार आहे.वास्तविक ही सेवा जाहिरात व्हिडिओ स्ट्रीमिंग सेवा असेल. म्हणजेच प्रेक्षकांना यामध्ये जाहिराती पाहाव्या लागतील. म्हणजेच युट्युब जाहिरातींच्या माध्यमातून मोठी कमाई करेल अशी अपेक्षा आहे.
