रेल्वे मंत्र्यांची मोठी घोषणा – कोविडमुळे बंद करण्यात आलेली ज्येष्ठ नागरिक सवलत पुन्हा सुरु होणार.
रेल्वे मंत्री अश्विनी वैष्णव यांनी दिलेल्या माहितीनुसार , स्लीपर क्लास आणि थ्रीएसीमध्ये ज्येष्ठ नागरिकांना देण्यात येणारी सवलत पुन्हा सुरु करण्यात येणार आहे.रेल्वेमंत्री अश्विनी वैष्णव यांनी सांगितले की, ‘सरकारने 2019-20 मध्ये प्रवाशांच्या तिकिटांवर 59,837 कोटी रुपयांची सब्सिडी दिली. ही रक्कम रेल्वेमध्ये प्रवास करणाऱ्या प्रत्येक व्यक्तीला सरासरी 53% सवलतीची रक्कम आहे.
तसेच ही सब्सिडी सर्व प्रवाशांसाठी सुरू आहे. दिव्यांगजन, विद्यार्थी आणि रुग्ण अशा अनेक श्रेणींसाठी या अनुदानाच्या रकमेतून पुढील सवलती सुरू राहतील. यामध्ये स्लीपर आणि थर्ड एसीमध्ये प्रवास करणाऱ्या ज्येष्ठ नागरिकांना रेल्वे तिकिटात सूट देण्याची सूचना संसदेशी संलग्न स्थायी समितीने केली आहे.
