जिद्द, चिकाटी, परीश्रमातुन तो झाला न्यायाधीश….माजी आमदार केवलराम काळेंनी केला सत्कार
MB-NEWS अक्षय अथोटे
मेळघाट, चिखलदरा प्रतिनिधी:-मोठे झाल्यावर आपण न्यायदानाचे काम करायचे हाच ध्यास मनात बाळगून त्याने रात्रंदिवस विधिचा अभ्यास केला व जिद्द, चिकाटी आणि कठोर परिश्रमातुन पहिल्याच प्रयत्नात तो न्यायाधीश झाला.
अंजनगाव सुर्जी येथील राजकुमार फरकुंडे यांचा मुलगा ॲड.वैभव राजकुमार फरकुंडे यांनी उत्तुंग यशाला गवसणी घालत हे यश संपादन केले.
जिद्द आणि चिकाटीच्या जोरावर ॲड.वैभव फरकुंडे हे पहिल्याच प्रयत्नात प्रथमवर्ग न्यायदंडाधिकारी व दिवाणी न्यायाधीश या पदावर नियुक्त झाले आहेत. अतिशय जिद्दी व मेहनती असलेल्या वैभव यांनी हे यश अद्वितीय आहे.आज मुलगा न्यायाधीश झाले समजल्यावर त्यांच्या आनंदाला पारावार उरललेला नाही.
अंगी जिद्द व चिकाटी असेल तर प्रत्येक परिस्थितीवर मात करता येते याचे मूर्तिमंत उदाहरण म्हणून वैभव यांच्या कारकिर्दीकडे संपूर्ण राज्य बघेल.सर्व सुविधा, दर्जेदार अभ्यासाच्या सुविधा, मार्गदर्शक सर्व काही असून देखील अनेकांचे न्यायाधीश बनण्याचे स्वप्न केवळ स्वप्नच राहते आहे. मात्र ॲड.वैभव राजकुमार फरकुंडे यांनी पहिल्याच प्रयत्नात यश खेचून आणत परिवाराची मान उंचावली आहे. न्यायाधीश,ॲड.वैभव राजकुमार फरकुंडे यांना पुढील वाटचालीस शुभेच्छा देत मेळघाट चे माजी आमदार केवलराम काळें यांनी त्यांचा सत्कार केला.
