तिवसा येथे राष्ट्रीय महामार्ग क्रमांक 6 कारची दु -चाकीला जबर धडक, दोन जण गंभीर जखमी…
MB-NEWS (तिवसा )सुनिल घोरमाडे :-तिवसा येथील सॉफ्ट कॉर्नर समोर राष्ट्रीय महामार्ग क्रमांक ६ओलांडून जात असताना भरधाव येणाऱ्या कार ने दुचाकी ला जबर धडक दिली.या अपघातात दुचाकी वरील दोन जण गंभीर रित्या जखमी झाले असून त्यांना पुढील उपचारा साठी अमरावती सामान्य रुग्णालयात पाठविण्यात आले आहे. नागपूर वरन अमरावतीच्या दिशेने जाणाऱ्या एम एच जि. जे.१९३१ क्रमांकच्या स्विफ्ट कारने महामार्ग ओलांडताना एम एच ३२ एफ ७३०४ या क्रमांकच्या दुचाकीला धडक दिली. ही घटना आज दिनांक १२ मे रोजी दुपारी १.३० वाजताच्या दरम्यान घडली आहे. यात दुचाकी स्वार असलेले दोघे जण तिवसा तालुक्यातील तळेगाव ठाकूर येथील रहिवासी आहे. त्यांचे नाव ज्ञानेश्वर आजनकर वय ६० व राजूभाऊ शेंडे वय ५२ जखमीचे नाव आहेत.जखमीना अपघात झाल्यावर त्वरित त्यांना तिवसा उपजिल्हा रुग्णालयात दाखल केले होते नंतर जखमीना त्वरित अमरावती रुग्णालय मध्ये उपचारासाठी रेफर केले. घटनेची माहिती मिळताच तिवसा पोलिसांनी धाव घेत पंचनामा केला असून पुढील तपास तिवसा पोलीस स्टेशन करीत आहे.
