आरोग्य मित्रांतर्फे पगार वाढीसाठी जिल्हा प्रमुखांना निवेदन..11 वर्षांपासून तुटपुंज्या मानधनावर देताहेत सेवा
MB-NEWS अमरावती( रवि कलाने) :– महात्मा ज्योतिराव फुले जन आरोग्य योजनेच्या मासिक मिटिंग मध्ये नवनियुक्त क्लस्टर हेड (अमरावती,अकोला,वाशीम) गजानन पांडे यांचे आरोग्यमित्र अमरावती जिल्हा यांच्या वतीने स्वागत करून जिल्हा प्रमुख डॉ. कांचन भिसे व क्लस्टर हेड गजानन पांडे यांना आरोग्यमित्र अमरावती जिल्हा यांचे कडून पगार वाढीबाबत निवेदन देण्यात आले
अमरावती जिल्ह्यातील आरोग्यमित्र हे योजनेच्या सुरवाती पासून म्हणजेच २०१२ ला केवळ 6000 इतक्या मासिक पगारात काम केले. परंतु आता वाढती महागाई लक्षात घेता केवळ 11465/- रुपये इतकीच वाढ झाली या तुटपुंज्या मानधनावर कुटुंबाचा उदरनिर्वाह करणे शक्य नसल्याने कुटुंबाची वाताहत होत आहे हि बाब वरिष्ठांच्या लक्षात या निवेदनाद्वारे आणून देण्यात आली, ईतर वरिष्ठ कर्मचाऱ्यांचे पगार मात्र आरोग्य मित्रांपेक्षा वाढलेत परंतु अकरा वर्षांपासून
प्रामाणिकपणे सेवा देणाऱ्या आरोग्य मित्रांच्या पगारात मात्र हवी तितकी वाढ झाली नाही सामान्य नागरिकांना आरोग्य विषयक शासनाच्या विविध योजनेचा लाभ त्यांच्या माध्यमातून मिळतोय निराधार रुग्णाचा आधार म्हणून आरोग्य मित्र सतत कार्यरत असतात त्यामुळे किमान मासिक वेतन 25000 करण्यात यावे या मागणीसह इतर मागणीचे निवेदन आरोग्य मित्रांद्वारे देण्यात आले यावेळी आरोग्य मित्र स्वप्नील ठाकरे,मंगेश पुनसे,निलेश वानखडे,आशिष बनसोड, दिपक डोईफोडे,मंगेश वडतकर,अमरदीप तायडे, किशोर बद्रे,कीर्ती ठाकूर, राहुल काकडे,ज्योती आठवले,सारिका चौधरी, भूषण बेलसरे, सुधीर अलोने, नितेश कोथळे आदि उपस्थित होते
