मातृवियोगाचे दुःख फार मोठे आहे – विरोधी पक्ष नेता ना. अजितदादा पवार
शोकाकुल खोडके परिवाराचे निवासस्थानी सांत्वना भेट
अभियंता भवन येथे पुण्यनुमोदन कार्यक्रमात मातोश्रीना वाहिली श्रद्धांजली
MB-NEWS(अमरावती) :- महाराष्ट्र विधानसभेचेने विरोधी पक्ष नेता तथा राष्ट्रवादी काँग्रेस पार्टीचे जेष्ठ नेते ना.अजितदादा पवार यांनी आज सोमवार,दिनांक १९ जून २०२३ रोजी अमरावती येथे येऊन राष्ट्रवादी काँग्रेसचे प्रदेश उपाध्यक्ष संजय खोडके यांच्या गाडगे नगर स्थित निवासस्थानी भेट दिली.
गेल्या ६ जून २०२३ रोजी संजय खोडके यांच्या मातोश्री श्रीमती सुशीलाबाई विनायकराव खोडके यांचे वयाच्या ९१ व्या वर्षी दुःखद निधन झाले होते. अभियंता भवन येथे आज त्यांच्या पुण्यनुमोदन कार्यक्रम प्रसंगी अजितदादांनी आवर्जून हजेरी लावून स्मृतीशेष मातोश्री श्रीमती सुशीलाबाई विनायकराव खोडके यांच्या प्रतिमेला पुष्प अर्पण करून श्रद्धांजली वाहिली. तसेच शोकाकुल खोडके परीवारातील सदस्यांची भेट घेऊन सांत्वन सुद्धा केले. दरम्यान ना.अजितदादा पवार यांनी अमरावतीच्या आ.सौं. सुलभाताई खोडके, राष्ट्रवादी काँग्रेसचे प्रदेश उपाध्यक्ष संजय खोडके, प्रशांत खोडके ,यश खोडके यांचे सोबत संवाद साधून सांत्वन केले.
मातृवियोगाचे दुःख निश्चितच मोठे असून या दुःखातून सावरण्याचे बळ खोडके कुटुंबियांना मिळो. दुःखद प्रसंगात आपण व पवार कुटुंबीय सोबत आहेत . मातोश्रींच्या आत्म्यास सद्गती लाभो,अशी प्रार्थना करीत आहोत,अशी शोक संवेदना राज्याचे विरोधी पक्ष नेता अजितदादा पवार यांनी पुण्यनुमोदन प्रसंगी व्यक्त केली.अभियंता भवन येथील पुण्यानुमोदन कार्यक्रमात विविध क्षेत्रातील मान्यवर , आप्तस्वकीय नातेवाईक तसेच कार्यकर्ते सहभागी झाले होते .
