विकास आराखड्यातील कामाना मिळणार वाढीव निधी आयुक्त कार्यालयात पार पडली आढावा बैठक
MB-NEWS(सुनिल घोरमाडे):-मोझरी, वलगाव व कौडण्यपूर. येथील विकास आराखड्यातील. विकासकामासाठी वाढीव निधी मिळणार असल्याची माहिती आज 23 जून रोजी विभागीय आयुक्त कार्यलयात आयोजित आढावा बैठकीत आमदार यशोमती ठाकूर यांनी दिली.यावेळी बोलताना त्या म्हणाल्या की वाढीव निधी मिळणार आहे पण येथील इमारतीच्या हस्तातरणाची प्रक्रिया जलदगतीने पूर्ण व्हावी हा महत्वाचा मुद्दा असून तो निकाली निकाली निघावा अशी मागणी करण्यासोबतच,कोविड काळात काही कामे रखडली होती ती जलदगतीने पूर्ण करण्यात यावी अशी सूचना सुद्धा त्यांनी या बैठकीत केली.
त्या पुढे म्हणाल्या की विकास आराखड्यातील जी कामे निधी अभावी अपूर्ण आहेत त्या कामासाठी मिळणारा वाढीव निधी आणि येथील इमारत हस्तातरण प्रक्रिया
जलदगतीने पूर्ण व्हावी या दोन मुद्याचा आढावा घेण्याच्या दृष्टीने हीं बैठक घेण्यात आल्याचे त्या बोलताना म्हणाल्या.
पत्र दिल्यामुळे आढावा बैठक
मोझरी,वलगाव व कौडण्यपूर येथील काही विकास कामे आणि फर्निचरची कामे निधी अभावी अपूर्ण आहेत. या कामासाठी आणि मोझरी येथील विकास कामासाठी 100कोटी अतिरिक्त निधी मिळावा यासाठी आपण नुकतेच पालकमंत्र्यांना पत्र दिले त्या पत्राच्या अनुषंगाने हीं आढावा बैठक घेण्यात आली आहे अशीहीं माहिती त्यांनी दिली.
कोविड काळातील रखडलेली कामे पूर्ण व्हावी
कोविड संकट काळात येथील विकास कामे रखडलेली होती. ती कामे जलद गतीने पूर्ण करण्यात यावी अशी मागणी आमदार यशोमती ठाकुर या वेळी केली.
