उद्या आषाढी एकादशीनिमित्य घुईखेडात दर्शानासाठी येणार लाखो भाविक….घुईखेडमध्ये अवतरणार प्रति पंढरपुर
MB-NEWSचांदुर रेल्वे :-विदर्भ प्रांतातील एकमेव असलेली श्री. संत बेंडोजी महाराज संजीवण समाधी, श्री क्षेत्र घुईखेड येथे आज गुरूवारी आषाढी एकादशीनिमित्य लाखो भाविक दर्शनासाठी गर्दी करणार असुन घुईखेडमध्ये प्रति पंढरपूर अवतरल्याचे चित्र पहावयास मिळणार आहे.
आषाढी एकादशी ही एका प्रकारची तालुक्यातील भावीक भक्तांकरीता अलौकीकच ठरत आहे. घुईखेड येथे आज बेंडोजी महाराजांची मिरवणुक काढण्यात येणार असुन दर्शनासाठी हजारो भाविकभक्त येणार आहे. हा क्षण पाहण्यासाठी व दैवतांचे दर्शन घेण्यासाठी गावातील प्रथेनुसार विशेषत: नवविवाहीत मुली तसेच बाहेरगावी कामानिमित्य राहणारे घुईखेडवासी या दिवशी गावात परत येतात. श्री. संत बेंडोजी महाराजांची पालखी एकादशीच्या दिवशी सायंकाळी ५ वाजता मंदिराच्या बाहेर प्रवेश करून नागपुर- औरंगाबाद एक्सप्रेस हायवेवरून जाऊन चंद्रभागा नदीच्या पात्रामध्ये परंपरेनुसार आरती करण्यात येणार आहे. यानंतर मंदिरात आरती होऊन सोहळ्याची समाप्ती सायंकाळी होणार आहे. त्यामुळे या मिरवणुकीत सहभागी होण्यासाठी भाविक भक्तांनी उपस्थित राहण्याचे आवाहन संस्थानचे अध्यक्ष वसंतराव घुईखेडकर, विश्वस्त प्रविण घुईखेडकर व इतरांनी केले आहे.
