मालखेड रेल्वे स्थानक येथील प्रबंधकाचा अपघातात मृत्यू
MB NEWS (अमरावती):-अंजनगाव बारी ते मालखेड मार्गावरील पार्डी (देवी) रोडवरील पॉवर हाउसपुढे मालखेड रेल्वे स्थानक प्रबंधकाचा अपघातात मृत्यू झाला. मंगळवारी दुपारी हा अपघात घडला. पोलिस सूत्रांनुसार, दिनेश ढोले (रा. श्रद्धा कॉलनी, अकोली रोड,
अमरावती) असे मृताचे नाव आहे. ते सेवा बजावून दुपारी ४ च्या सुमारास मालखेड येथून घराकडे दुचाकी (एमएच २७ बीएम ५१६२ ) ने परत येत असताना सिलिंडरने भरलेल्या ट्रक (एमएच ४० बीएल ४७०९) ने त्यांना धडक दिली. यात त्यांचा जागीच मृत्यू झाला. घटनेची माहिती मिळताच बडनेरा ठाण्याचे पोलिस निरीक्षक नितीन मगर यांनी पंचनामा करून मृतदेह शवविच्छेदनासाठी पाठविला.
