वायफाय राऊटरचा ब्लास्ट,तीन जण जखमी ; केबल चालका विरोधात गुन्हा दाखल
MB NEWS (महाराष्ट्रातील बातमीपत्र):-कल्याण पूर्वेतील नवी गोविंदवाडी परिसरातील रामदेव चौधरी चाळीतील एका घरात वायफाय राऊटरचा ब्लास्ट झाल्याची घटना घडली आहे. या घटनेत तीन जण गंभीर जखमी झाले आहेत. त्यांच्यावर खाजगी रुग्णालयात उपचार सुरु आहेत. या ब्लास्ट प्रकरणी केबल चालकाच्या विरोधात टिळकनगर पोलिस ठाण्यात गुन्हा दाखल करण्यात आला आहे. रामदेव चौधरी चाळीत राहणाऱ्या सायम शेख यांच्या घरात केबल वायफायच्या राऊटरचा ब्लास्ट झाला. या घटनेत तीन जण गंभीर जखमी झाले आहेत त्यांच्यावर रुग्णलायात उपचार सुरु आहेत. या प्रकरणी टिळकनगर पोलिसांनी केबल चालक राजू म्हात्रे याच्या विरोधात गुन्हा दाखल केला आहे. केबल चालकाने सुरक्षिततेची काळजी घेतली नसल्याच्या आरोपाखाली गुन्हा दाखल करण्यात आला आहे.
