लोखंडी कोयत्याने वार करून पेट्रोलपंप कर्मचाऱ्यास लुटले नऊ हजारांची रोकड घेऊन चोरटे पसार
सुनिल घोरमाडे तिवसा(प्रतिनिधी) – गुरुकुंज मोझरी नजीक राष्ट्रीय महामार्गालगत असलेल्या पेट्रोलपंप चालकाला मारहाण करीत त्याच्याकडील नऊ हजार, रुपयांची रोकड लुटण्यात आल्याची घटना बुधवारी रात्री अकरा वाजताच्या दरम्यान गुरुकुंज मोझरी नजीक अमरावती-नागपूर, राष्ट्रीय महामार्गावर असलेल्या कृष्णा पेट्रोलपंप येथे घडली याप्रकरणी तिवसा पोलिसस्टेशन येथे चार अज्ञात आरोपींविरुद्ध गुन्हा दाखल करण्यात आला आहे. गुरुकुंज मोझरी नजीक अमरावती नागपूर राष्ट्रीय महामार्गालगत असलेल्या
येथील संजय मोहोकार, यांच्या मालकीचा कृष्णा पेट्रोलपप येथे रात्री अचानक अकरा वाजताच्या सुमारास अज्ञात चार जण दुचाकीवर तोंडाला रुमाल बांधून आले. या चौघांनी येथे कर्मचारी म्हणून कार्यरत असलेले किशोर गुल्हाने, तिवसा, यांना मारहाण करून व जवळ असलेल्या लोखंडी कोयते व शस्त्राचा धाक दाखवून यांच्याजवळील एकूण नऊ हजार रुपयांची रोख रक्कम व जवळ असलेला मोबाईल घेऊन हे चोरटे पसार झाले. सदर घटनेत पेट्रोलपंप रात्रपाळीतील कर्मचारी गुल्हाने, हे जखमी झाले असून पेट्रोलपंप वरील संगणकाची सुद्धा यावेळी तोडफोड करण्यात आली आहे. यातील आरोपी सी सी टीव्ही केमेऱ्यात कैद झाले असुम तिवसा पोलीस त्यांच्या मार्गावर असल्याचे दिसून येते.
यादरम्यान घटनेची माहिती मिळताच तिवसा पोलिस घटनास्थळी दाखल झाले व यासंदर्भात गुन्हाने यांनी दिलेल्या तक्रारीवरून तिवसा पोलिसांनी कलम ३९४ अन्व्हये चोरट्याविरुद्ध गुन्हा दाखल करून यासंदर्भात अधिक तपास तिवसा पोलीस करीत आहे. दरोडे तसेच लुटमारीच्या घटनेत दिवसेंदिवस वाढ होत असून तिवसा पोलिसांनी घटनेतील आरोपींचा तपास करून शोध घ्यावा अशी मागणी येथील नागरीकांनी यावेळी केली आहे.
