ममदापूर येथे पुण्यश्लोक अहिल्यादेवी होळकर जयंती निमित्त – व्याख्यान
MB NEWS (सुनिल घोरमाडे )तिवसा:-
तालुक्यातील ममदापूर येथे उद्या ३१ मे पुण्यश्लोक अहिल्यादेवी होळकर यांची जयंती मोठ्या उत्साहात साजरी होत आहे.
यावेळी राजमाता पुण्यश्लोक अहिल्यादेवी होळकर यांचे देशभरातील कार्य व त्यांच्या विचारवर प्रकाश टाकण्या करिता पुसद येथील सुप्रसिद्ध युवा व्याख्याते राज घुमणार यांच्या जाहीर व्याख्यानाचे भव्य आयोजन उदया सायंकाळी ७ ते १० यावेळेत गावकऱ्यांच्या वतीने करण्यात आले आहे.राजमातेची जयंती नाचून नाही तर वाचून साजरी करूया या संकल्पनेतून या कार्यक्रमाचे आयोजन करण्यात आले आहे. सदर कार्यक्रमाला विभागाच्या आमदार यशोमती ठाकूर यांच्या सह आमदार बळवंत वानखडे उपस्थित राहणार आहे सोबतच महाराष्ट्र प्रदेश काँग्रेसचे प्रवेक्ते दिलीप एडतकर,तिवसा पंचायत समितीच्या सभापती कल्पना दिवे उपसभापती रोशनी पूनसे उपस्थिती राहणार आहे.तर सदर कार्यक्रमाला परिसरातील नागरिकांनी मोठ्या संख्येने उपस्थित राहण्याचे आवाहन आयोजन समितीच्या वतीने करण्यात आले आहे.
