महामार्गावरील वाडे फाटा येथे चालत्या शिवशाही बसला लागली आग
MB NEWS (सातारा) प्रतिनिधी :-प्रवाशांना घेऊन पुणे बेंगलोर महामार्गावरून प्रवास करत असताना वाडे फाटा येथील एसटी महामंडळाच्या शिवशाही बसला अचानक आग लागल्याने एकच खळबळ उडाली. सुदैवाने सर्व प्रवासांनी वेळेत बसमधून खाली उतरल्याने यामध्ये कोणतीही जीवित हानी झाली नाही. साताऱ्यातील वाडे फाटा नजीक ही दुर्घटना घडल्याने सातारा शहरात या घटनेची चर्चा वाऱ्यासारखी पसरली. या आगीच्या दुर्घटनेची माहिती सातारा अग्निशमन दलाल कळतात तात्काळ अग्निशमन दलाने घटनास्थळी धाव घेऊन या बसला लागलेली आग विजवून या आगेवर नियंत्रण मिळवले आहे. शिवशाही बसला कशामुळे आग लागली, याबद्दलचा अधिक तपास एसटी महामंडळ तसेच सातारा पोलीस करत असून सुखरूप असलेल्या प्रवाशांना दुसऱ्या एसटी बस मधून प्रवासासाठी पाठवण्यात आल्याची माहिती एसटी महामंडळाच्या अधिकाऱ्यांकडून सांगण्यात आली.
