उभ्या बसला लागली भीषण आग, आगीत बस जळून खाक
MB NEWS (महाराष्ट्रातील बातमीपत्र)-छत्रपती संभाजी नगर शहरातील नारळीभाग येथे सवेरा ट्रॅव्हल्स पार्किंग आहे या ठिकाणी उभे असलेल्या एका बसला अचानक आग लागली यागी मध्ये बस संपूर्णपणे जळून खाक झाले. ही घटना मंगळवार दिनांक 15 रोजी रात्री नऊ वाजेच्या सुमारास घडली. सुदैवाने यामध्ये जीवित हानी टळली. याप्रकरणी स्थानी दिलेल्या माहितीनुसार छत्रपती संभाजीराजे शहरातील नारळी विभाग येथे सवेरा ट्रॅव्हल्स या बस कंपनीची पार्किंग आहे. या पार्किंग मध्ये नियमित बस उभे असतात. दरम्यान मंगळवार दिनांक 15 रोजी सायंकाळी 9 वाजेच्या सुमारास पार्किंग मध्ये उभे असलेली बस ने अचानक पेट घेतला. यामध्ये आगीने रौद्ररूप धारण केले. यात संपूर्ण बस जळून खाक झाली. याच पार्किंग मध्ये ऑइलचा देखील टॅक्टर असल्यामुळे या ठिकाणी अनुचित प्रकार घडण्याची शक्यता वर्तवली जात होती मात्र सुदैवाने या ठिकाणी अनुचित प्रकार घडला नाही कुठलीही जीवित हानी झाली नाही.ही आग नेमकी कशामुळे लागली याचं कारण अद्याप समजू शकले नाही.
