बांधकाम मजूर ठेकेदार सहकारी संघटना चांदुर रेल्वे तर्फे एसडीओ मार्फत महसूल मंत्री महोदयांना दिले निवेदन
MB NEWS (चांदुर रेल्वे): स्थानिक बांधकाम मजूर ठेकेदार संघटना यांनी वर्धा रेती बांधकामासाठी उपलब्ध करून देण्यात यावी, यासाठी आज निवेदन देण्यात आले.वर्धा रेती मागील खूप दिवसापासून बंद असल्यामुळे बांधकामावर त्याचा परिणाम होत आहे. आम्ही सर्व बांधकाम मजूर ठेकेदार आपल्या माध्यमातून हे निवेदन महसूल मंत्री महोदयापर्यंत पोहोचावे याकरिता निवेदन देण्यात आले. वर्धा रेती त्वरित उपलब्ध करून देण्याची विनंती या निवेदनात करण्यात आली. आमच्या मागणीचा विचार करून आम्हाला न्याय देण्यात यावा. अन्यथा बांधकाम मजूर ठेकेदाराद्वारे तीव्र आंदोलन करण्यात येईल. याची नोंद घ्यावी ही विनंती निवेदनात करण्यात आली. निवेदन देण्याकरिता बांधकाम मजूर ठेकेदार सहकारी संघटनेचे अध्यक्ष जगदीश धोटे,उपाध्यक्ष शैलेंद्र रामटेके,सचिव मनोज गवई, सहसचिव दिगंबर राऊत कोषाध्यक्ष गजानन बुल्ले , सदस्य रणजीत मेश्राम, रमेश फुलझले, रवी वंजारी, सुनील कावळकर, संजय सोनकुसरे, नितीन फसाटे, अजय गायकवाड, राजू गवई, रोशन गडलिंग, प्रमोद भेंडे इत्यादी सर्व पदाधिकारी व सभासद उपस्थित होते.
