तळेगांव (ठाकूर) येथील सीमा पारधी यांचे निधन; परिसरात शोककळा
MB NEWS (तिवसा) : तिवसा तालुक्यातील तळेगांव (ठाकूर) येथील सीमा सतीश पारधी (वय ३३ वर्षे) यांचे दि. ७ मे रोजी रात्री १.३० वाजता सावंगी मेघे, वर्धा येथील रुग्णालयात उपचारादरम्यान दुःखद निधन झाले. त्यांच्यावर हिप संयुक्त (कमरेतील बॉल) शस्त्रक्रिया सुरू असताना हा दुर्दैवी प्रकार घडला.
प्राप्त माहितीनुसार, दोन वर्षांपूर्वी घरकाम करत असताना त्या घरातच अपघाताने पडल्या होत्या. त्यानंतर डॉक्टरांनी त्यांच्या हिप सांध्याची पहिली शस्त्रक्रिया केली होती. मात्र, अपेक्षित आराम न मिळाल्यामुळे त्यांना दुसऱ्यांदा शस्त्रक्रियेची गरज भासली. ती शस्त्रक्रिया दरम्यान त्यांचा मृत्यू झाला.सीमा पारधी यांच्या पश्चात पती सतीश पारधी व दोन अपत्य — मुलगी कु. सुहानी पारधी (वय १०) व मुलगा नैतिक पारधी (वय १२) असा परिवार आहे. त्यांच्या निधनाने संपूर्ण पारधी कुटुंबावर दुःखाचा डोंगर कोसळला असून, तळेगांव (ठाकूर) परिसरात हळहळ व्यक्त केली जात आहे.
त्यांचा अंत्यविधी आज तळेगांव (ठाकूर) येथील हिंदू स्मशानभूमीत पार पडला.
