राजर्षी शाहू सायन्स कॉलेजमध्ये प्राणीशास्त्र विभागाद्वारे आंतरराष्ट्रीय व्याघ्र दिन साजरा..!
MB NEWS (चांदुर रेल्वे) :- राजर्षी शाहू सायन्स कॉलेज चांदुर रेल्वे येथील प्राणिशास्त्र विभागाद्वारे आंतरराष्ट्रीय व्याघ्र दिन साजरा करण्यात आला. या व्याघ्र दिनाच्या निमित्ताने विद्यार्थ्यांसाठी गटचर्चा आयोजित करण्यात आली. गट चर्चेचा विषय वाघाचे संवर्धन Conservation of Tiger हा होता. या गट चर्चेमध्ये बीएससी भाग दोन व बीएससी भाग तीन च्या विद्यार्थ्यांनी सहभाग घेतला. कार्यक्रमाच्या सुरुवातीला प्रास्ताविकाद्वारे प्राणीशास्त्र विभागातील सहयोगी प्रा. डॉ. गजानन संतापे यांनी वाघाच्या संख्या विषयी व संवर्धन विषयी काय उपाययोजना करता येईल वाघ जर असेल तर वने समृद्ध होतील आणि एकूणच पर्यावरणाचा समतोल राखला जाईल तर विभाग प्रमुख डॉ.एम. पी. चिखले यांनी वाघाचे अधिवास तसेच वाघाचा संरक्षण करण्याकरिता उपाय योजना व या क्षेत्रामध्ये नोकरीच्या संधी संशोधन याबद्दल सविस्तर माहिती दिली. विद्यार्थ्यांनी गट चर्चेदरम्यान वाघाचं संवर्धन करण्याकरिता तसेच वाघ वाचविण्याकरिता सर्वांनी वेगवेगळ्या माध्यमातून प्रयत्न करनार तसेच वन्यजीव वाचविण्याकरिता विविध स्पर्धेमध्ये आपला सहभाग वाढविण्याकरता आम्ही सतत प्रयत्नशील राहू व असेच वन्यजीव संवर्धनाकरिता आम्ही विविध कार्यक्रमांमध्ये सहभाग नोंदवू अशी ग्वाही दिली. सर्वांनी मिळून वाघ तसेच वन्यजीव वाचविण्याची प्रतिज्ञा घेतली.
