अलका करणवाल यांची अहिल्याबाई होळकर राज्य आदर्श शिक्षिका पुरस्काराकरिता निवड,शहरातील मुंधडा महाविद्यालयात क्रिडा विभागप्रमुख पदाची पार पाडत आहे जबाबदारी
MB-NEWS चांदूर रेल्वे – (मंगेश बोबडे ) पुण्यश्लोक अहिल्याबाई होळकर राज्य आदर्श शिक्षिका पुरस्कार – २०२२ करिता चांदूर रेल्वे शहरातील स्व. मदनगोपाल मुंधडा महाविद्यालयातील शारिरिक शिक्षण व क्रिडा विभाग प्रमुख असलेल्या अलका करणवाल यांची निवड करण्यात आली आहे.
कै. सौ. चंद्रभागाबाई भिका कंखरे बहुद्देशिय संस्था, शिरपूर महाले प्रतिष्ठान, धुळे या संस्थेच्या वतीने शिक्षण क्षेत्रात उल्लेखनिय कार्य करणाऱ्या शिक्षिकांना पुण्यश्लोक अहिल्याबाई होळकर राज्य आदर्श शिक्षिका पुरस्कार – २०२२ देऊन गौरविण्यात येणार आहे. यासाठी एका जिल्ह्यातून एक महिला शिक्षिकेची निवड करण्यात आली आहे. यामध्ये अमरावती जिल्ह्यामधून चांदूर रेल्वे शहरातील स्व. मदनगोपाल मुंधडा महाविद्यालयातील शारिरिक शिक्षण व क्रिडा विभाग प्रमुख अलका करणवाल यांची निवड करण्यात आली आहे. या पुरस्कारासाठी त्यांची निवड झाल्याबद्दल त्यांच्यावर कौतुकांचा वर्षाव होत आहे. पुरस्काराचे वितरण श्रीमंत भुषणसिंह राजे होळकर (इंदौर) यांचे शुभहस्ते ९ ऑक्टोंबर रोजी सकाळी ११.३० वाजता धुळे जिल्ह्यातील शिरपूर येथे होणार आहे .
