होमगार्ड निघाला दुचाकी चोरटा,कोतवाली पोलिसांची कार्रवाई…..
अमरावती (प्रतिनिधी):-सिटी कोतवाली पोलिस स्टेशन अंतर्गत गांधी चौक परिसरात फ्रेजरपूरा रहिवासी सुनिल बागडे नावाच्या होमगार्डची नवरात्री दरम्यान सुरक्षेकरिता डयुटी लावली होती. या दरम्यान गांधी चौकातून एक दुचाकी चोरी झाली होती. त्याची तक्रार कोतवाली पोलिसात करण्यात आली होती. पोलिसांनी अज्ञात चोराविरुध्द गुन्हा दाखल करुन तपास सुरु केला होता. परंतु चौकशी दरम्यान एका होमगार्डला अटक करुन चोरीची दुचाकी जप्त करण्यात आली. सुशिल कमलाकर बागडे (२९ फ्रेजरपुरा) असे दुचाकी चोरटा होमगार्डचे नांव आहे. सविस्तर असे की, काही दिवसांपूर्वी गांधी चौक परिसरातून
दुचाकी क्रमांक एमएच २७ / एजी-८९४२ ची चोरी करण्यात आली होती. याबाबत सिटी कोतवाली पोलिस ठाण्यात तक्रार देण्यात आली होती. त्या आधारे पोलिसांनी अज्ञात चोराच्या विरुध्द गुन्हा दाखल केला होता. या बाबत सखोल चौकशी करण्यात आली असता डीबी स्कॉडच्या हाती चोरीचे काही पुरावे हाती लागले. लोकांच्या सुरक्षेकरिता तैनात करण्यात आलेल्या होमगार्ड सुशिल बागडे ला त्यांनी पकडले. आरोपी सुशिल ने दुचाकी चोरण्याचा गुन्हा कबुल केला आहे, त्याच्यापासून चोरीची दुचाकी जप्त करण्यात आली आहे, पोलिस सुशिल बागडे विरुध्द पुढील कारवाई करीत आहे.
