जिल्हा स्त्री रुग्णालयातील बालकांच्या अतिदक्षता विभागात अचानक आग लागली. या घटनेनं रुग्णालय परिसरामध्ये मोठी खळबळ उडाली.

*अमरावतीत बालकांच्या ICUमध्ये अचानक लागली आग; तातडीने दुसऱ्या वॉर्डात हलवले*…
*शहरातील जिल्हा स्त्री रुग्णालयातील बालकांच्या अतिदक्षता विभागात अचानक आग लागली. या घटनेनं रुग्णालय परिसरामध्ये मोठी खळबळ उडाली.

MB-NEWS (अमरावती) : अमरावती शहरातील जिल्हा स्त्री रुग्णालयात आग लागल्याची घटना घडली आहे. सुदैवाने या दुर्घटनेत कोणतीही जीवितहानी झालेली नाही. मात्र लहान मुलांच्या अतिदक्षता कक्षाला लागलेल्या या आगीत दोन बालके किरकोळ जखमी झाली आहेत. जखमींना उपचारासाठी तातडीने पंजाबराव देशमुख रुग्णालयात हलवण्यात आले.
मिळालेल्या माहितीनुसार, सकाळच्या सुमारास शहरातील जिल्हा स्त्री रुग्णालयातील बालकांच्या अतिदक्षता विभागात अचानक आग लागली. या घटनेनं रुग्णालय परिसरात मोठी खळबळ उडाली. आगीची माहिती कळताच रुग्णालयातील स्टाफसह रुग्णांच्या नातेवाईकांनीही धाव घेतली आणि लहान मुलांना तातडीने दुसऱ्या वॉर्डात नेण्यात आलं. यादरम्यान दोन मुलं किरकोळ जखमी झाली.
आगीमुळे रुग्णालयात धूर झाल्याने काही मुलांना श्वास घेण्यास त्रास होत असल्याची माहिती आहे. परंतु आता आग आटोक्यात आणण्यात यश आल्याचे समजते.
दरम्यान, शॉर्ट सर्किटमुळे ही आग लागल्याची प्राथमिक माहिती असून अद्याप याबाबत रुग्णालय प्रशासनाकडून अधिकृत माहिती देण्यात आलेली नाही.