हार जित पेक्षा खेळणे महत्वाचे
सभापती प्रशांत भेंडे ; जी.प.क्रीडा स्पर्धा
MB-NEWS (चांदुर रेल्वे) :- जीवनात अनेक स्पर्धा असतात त्यात हार जित होत राहते परंतु हार जित ला महत्व न देता खेळत राहणे हे महत्वाचे असते खेळाने शरीर आणि मन समृद्ध राहते असे प्रतिपादन प स सभापती प्रशांत भेंडे यांनी केले
जिल्हा परिषद शिक्षण विभागाद्वारे आयोजित तालुका केंद्रस्तरिय क्रीडा स्पर्धेच्या उद्घाटन प्रसंगी ते बोलत होते.
धनोडी, घुईखेड केंद्राचे केंद्रस्तरिय क्रीडा स्पर्धेचे आयोजन बग्गी येथील संत मानिराम महाराज माध्यमिक शाळेमध्ये करण्यात आले होते त्यावेळी आयोजित कार्यक्रमाला त्यांच्यासह सरपंच विजया चव्हाळे, उपसरपंच सोनाली दांडगे, उद्योगपती रोशन पाटील, प्रकाश चव्हाळे, शाळा व्यवस्थापन समिती अध्यक्ष संजय मेश्राम, केंद्रप्रमुख प्रदीप गायकवाड, रेखा माळी, विषय साधन व्यक्ती विवेक राऊत, विशेष शिक्षक मंगेश उल्हे, मंगेश बोरीकर, श्रीकृष्ण हिवराळे, संत मानिराम शाळेचे मुख्याध्यापक प्रवीण केचे, जीप बग्गी शाळेचे राजेंद्र तामस्कर आदी उपस्थित होते यावेळी तालुक्यातील दोन केंद्रामधील 350 विद्यार्थी त्यांच्या शिक्षकांसह उपस्थित होते, कबड्डी, खो खो, लंगडी, सह इतर खेळांचे प्राथमिक फेरी आज पार पडल्या, दोन दिवस ह्या क्रीडा स्पर्धा चालणार असून यात विजयी झालेल्या चमुंना तालुकास्तरावर खेळावे लागणार आहे. दोन दिवसीय या स्पर्धेच्या यशस्वीतेसाठी केंद्रातील शिक्षक मुख्याध्यापक परिश्रम घेत आहे.
