दिनांक 12/12/2022 रोजी पेट्रोलिंग दरम्यान सकाळी पो.स्टे मंगरूळ दस्तगीर हद्दीमधील नागपूर औरंगाबाद रोडवर भातकुली पुलाजवळ अवैध विनापरवाना दारूची रेड करण्यात आली.
MB-NEWS( धामणगाव रेल्वे,प्रदीप भुसारी प्रतिनिधी):-दिनांक 12/12/2022 रोजी पेट्रोलिंग दरम्यान सकाळी पो.स्टे मंगरूळ दस्तगीर हद्दीमधील नागपूर औरंगाबाद रोडवर भातकुली पुलाजवळ अवैध विनापरवाना दारूची रेड करण्यात आली.या रेडमध्ये झेनॉन पिकप गाडी मध्ये मागील बाजूस भाजीपाल्याचे कॅरेट व त्याच्या आत मध्ये अवैधरित्या देशी दारू लपवलेली मिळून आली. रेड मध्ये देशी दारु टॅंगो पंच किंमत – 1,40,000/- रू, प्लास्टिक कॅरेट – 3000/- रू, झेनॉन पिकप MH 49 D 3531 किंमत 7,00,000/- रू Vivo Y22 मोबाइल किंमत 14000/- रू असा एकूण 8,57,000/- रू चा मुद्देमाल आरोपी रुपेश शंकर दिवे वय 35 वर्ष धंदा ड्रायव्हर रा हिंगणघाट जि. वर्धा याचे कडून पंचनामा कारवाईप्रमाणे जप्त करण्यात आला. अटक आरोपीचे म्हणणे नुसार सदर अवैध दारू धुळे येथून आणण्याचे रॅकेटमध्ये आकाश उर्फ टिनू गवळी संत कबीर वाड हिंगणघाट, दिनेश गायकवाड रा जिल्हा धुळे, दिनेश एंडाळे रा वर्धा, सुमित चिंतलवार रा नागपूर असे सहभागी दारू माफिया सहभागी असल्याचे सांगितले आहे. जप्त अवैध दारू ही ग्रामपंचायत निवडणुकीचे पार्श्वभूमीवर दारूबंदी असलेल्या वर्धा जिल्हा व हिंगणघाट तालुक्यामध्ये जात होती. मोठ्या प्रमाणात अवैध दारू जप्त केल्याने अवैध दारू विक्रेत्यांचे धावे दणाणले आहेत. सदरची रेड कार्यवाही पोलीस अधीक्षक अविनाश बारगड साहेब, अप्पर पोलीस अधीक्षक शशिकांत सातव साहेब, उपविभागीय पोलीस अधिकारी जितेंद्र जाधव साहेब यांचे मार्गदर्शनात ठाणेदार सुरज तेलगोटे, पोहा अवधूत शेलोकार, सफौ सुधाकर गवइ, नापोशी सुनील उडाके, पोशी संदीप पाटील, सतीश ठवकर यांनी केली.
