धार्मिक तेढ पसरविणाऱ्यांवर लक्ष ठेवा
शिवजयंती उत्सव समिती ; पोलिसांना दिले निवेदन
MB-NEWS(चांदूर रेल्वे):- शिवजयंती उत्सव निमित्त आयोजित व्याख्यानमाला संभोधित करायला येत असलेल्या श्रीमती सुषमा अंधारे यांचे जुने व्हिडीओ समाजमाध्यमांवर टाकून समाजात जातीय व धार्मिक तेढ पसरविणाऱ्यांवर लक्ष ठेऊन त्यांच्यावर कारवाई करण्यात यावी या आशयाचे निवेदन आज छत्रपती शिवाजी उत्सव समिती तर्फे आज स्थानिक पोलीस स्टेशन चे ठाणेदार यांना देण्यात आले.
दि 19 व 20 फेब्रुवारी रोजी शहरात भव्य शिवजयंती चा कार्यक्रम आयोजित करण्यात आला आहे व त्या निमित्त आयोजित व्याख्यानमाले साठी शिवसेनेच्या उपनेत्या सुष्माताई अंधारे या शहरात येत आहे सायंकाळी 5 वाजता त्यांचे भव्य शिवव्याख्यान होत आहे पण त्या अगोदरच त्यांचे जुने विडिओ समाजमाध्यमांवर पसरवून शहरातील धार्मिक व जातीय वातावरण दूषित करण्याचे कार्य काही लोक करीत आहे, सुषमा अंधारे यांना शहरात पाय ठेऊ न देण्याची भाषा ते वापरत आहे अशा परिस्थितीत या समाज विघटकांवर लक्ष ठेवत त्यांच्यावर कायदेशीर कारवाई करण्यात यावी अश्या आशयाचे निवेदन छत्रपती शिवाजी महाराज उत्सव समितीने पुराव्यानिशी पोलीस स्टेशनला दिले असल्याचे उत्सव समितीने सांगितले आहे, उद्या शिवजयंती उत्सवाला काही गालबोट लागल्यास त्याची जबाबदारी संबंधित लोकांवर राहणार असल्याचेही यात म्हटले आहे.
यावेळी समितीचे डॉ सागर वाघ, शिट्टू सूर्यवंशी, शिवसेनेचे संजय चौधरी, गजानन यादव, निवास सूर्यवंशी, अमोल होले, सतपाल वरठे, विनय कडू, सुमेध सरदार, पंकज मेश्राम, देवानंद खुणे, राजू लांजेवार, विलास मोटघरे, भीमा पवार आदी उपस्थित होते.
