बांधकाम कामगार प्रमाणपत्र खोळंबले,सरपंच संघटनेचे तिवसा गटविकास अधिकाऱ्यांना निवेदन.
MB NEWS तिवसा (सुनिल घोरमाडे):-ग्राम पंचायत स्तरावर गावातील बांधकाम कामगारांना ९० दिवस काम केले असल्याबाबत चे प्रमाणपत्र ग्राम सेवक यांचे सहिने मिळत होते मात्र गेल्या काही दिवसांपासून ग्राम सेवकांनी या प्रमाणपत्रावर सही करण्यास नकार दिला आहे त्यामुळे गावातील अनेक लोकांचे प्रस्ताव ग्राम पंचायत कडे पडून आहेत आतापर्यंत प्रमाणपत्र देण्यात आले मग आता का मिळत नाही असा सवाल लोकं विचारत आहे प्रमाणपत्र प्रत्यक्षात या बाबत शासणा कडून इतक्यात कोणताही शासन निर्णय निघाला नाही अमरावती जिल्हा परिषद किंवा तिवसा पंचायत समिती कडून कोणताही आदेश प्राप्त झाला नसून केवळ ग्रामसेवक युनियन ने निर्णय घेतला त्यानुसार प्रमाणपत्रावर सही केली जात नाही असे दिसून येते त्यामुळे तिवसा तालुका सरपंच संघटनेच्या वतीने गटविकास अधिकारी यांना निवेदन देऊन याबाबतीत नेमके काय करायचे बांधकाम कामगारांना नोंदणी साठी निर्माण झालेली अडचण कशी दूर करता येईल याबाबत आपल्या स्तरावरून तोडगा काढण्यात यावा यासाठी निवेदन दिले यावेळी सचिन भाऊ राऊत, सुरेंद्र भाऊ भिवगडे , आशिष बांबल, बादल पाळेकर , राजेश खाकसे उपस्थित होते
