गुरुकुंज मोझरी येथे कोळशाचा ट्रक जळून खाक
तिवसा (सुनिल घोरमाडे) प्रतिनिधी:– अमरावतीच्या गुरुकुंज मोझरी येथून नजीकच असलेल्या विश्वमानव मंदिर दासटेकडी डवरगाव मार्गावरील आज दुपारी सुमारास कोळश्याने भरलेल्या ट्रकला अचानक आग लागली. सुदैवाने या आगीत कुठलीही जीवितहानी झाली नाही. परंतु ट्रक पूर्णपणे जळून खाक झाला आहे.ही घटना अमरावती नागपूर राष्ट्रीय महामार्गापासून काही अंतरावरच असलेल्या डवरगावं मार्गावरील दासटेकडी येथे घडली आहे. ट्रक क्रमांक. एमएच 34 बी झेड 4325 हा 12 चाकी ट्रक चंद्रपूरच्या कोळसा खाणीतून 40 टन कोळसा घेऊन डवरगाव मार्गावरील इंडिया बुल्स कंपनीकडे जात असताना. डवरगाव मार्गावरील दासटेकडी परीसरात अचानक चालत्या ट्रकमध्ये शॉर्टसर्किट झाल्याने. चालकाने प्रसंगावधान राखून ट्रक मार्गाच्या साईडला उभा केला यावेळी ट्रकमधून येत असलेला धूर वाढत असल्याचे पाहून ट्रकचालक तात्काळ बाहेर पडला. आण काही वेळातच ट्रकने पूर्णता पेट घेतला. नागरीकांनी घटनास्थळी धाव घेत तिवसा नगरपंचायतीच्या अग्निशमन दलाला घटनास्थळी पाचारण केल व आग आटोक्यात आणण्यात आली
